ବଡ଼ ଝଟକା ଦେଇଛି ରିଲାଏନ୍ସ ଜିଓ। କମ୍ପାନୀ ପକ୍ଷରୁ ବିଭିନ୍ନ ରିଚାର୍ଜ ପ୍ଲାନର ଦାମକୁ ବୃଦ୍ଧି କରିବାକୁ ନିଷ୍ପତ୍ତି ହୋଇଛି। ଜିଓର ନୂତନ ଶୁଳ୍କ ପ୍ଲାନ ଜୁଲାଇ ୩, ୨୦୨୪ରୁ କାର୍ଯ୍ୟକାରୀ ହେବ । ରିଲାଏନ୍ସ ଜିଓ ଉଭୟ ପ୍ରିପେଡ୍ ଏବଂ ପୋଷ୍ଟପେଡ୍ ଯୋଜନା ଗୁଡିକର ଶୁଳ୍କ ବୃଦ୍ଧି କରିବାକୁ ନିଷ୍ପତ୍ତି ନେଇଛି । ଆହୁରି ମଧ୍ୟ, ୨ ଜିବି ଡାଟା କିମ୍ବା ଅଧିକ ଡାଟା ଥିବା ପ୍ଲାନରେ ଅସୀମିତ ୫ଜି ଡାଟା ଉପଲବ୍ଧ ହେବ । 

ନୂତନ ଶୁଳ୍କ ଯୋଜନା ଅନୁଯାୟୀ, ୨୮ ମାସର ବୈଧତାର ମାସିକ ଯୋଜନା ପାଇଁ ୧୫୫ ଟଙ୍କା ଦେବାକୁ ପଡୁଥିଲା, ବର୍ତ୍ତମାନ ୧୮୯ ଟଙ୍କା ଦେବାକୁ ପଡିବ ଏବଂ ଏହି ଯୋଜନାରେ ୨ ଜିବି ଡାଟା ଉପଲବ୍ଧ ହେବ । ୨୮ ଦିନର ବୈଧତା ସହିତ ୨୦୯ ଟଙ୍କା ଯୋଜନା ପାଇଁ ୨୪୯ ଟଙ୍କା ଦେବାକୁ ପଡିବ ଯେଉଁଥିରେ ୧ ଜିଡି ଡାଟା ଉପଲବ୍ଧ ହେବ । 

୨୩୯ ଟଙ୍କିଆ ପ୍ଲାନ ୨୯୯ ଟଙ୍କା, ୨୯୯ ଟଙ୍କିଆ ପ୍ଲାନ ପାଇଁ ୩୪୯ ଟଙ୍କା, ୩୪୯ ଟଙ୍କିଆ ପ୍ଲାନ ପାଇଁ ୩୯୯ ଟଙ୍କା ଓ ୩୯୯ ଟଙ୍କା ପାଇଁ ୪୪୯ ଟଙ୍କା ଦେବାକୁ ପଡ଼ିବ। ୨ ମାସ ପାଇଁ ରିଚାର୍ଜ ପ୍ଲାନର ବୈଧତା ମଧ୍ୟ ବୃଦ୍ଧି କରାଯାଇଛି। ୪୭୯ ଟଙ୍କାରେ ଗ୍ରାହକମାନେ ଦୈନିକ ୧.୫ ଜିବି ଡାଟା ପାଉଥିଲେ। ଏହାର ବୈଧତା ୫୬ ଦିନ ରହିଥିଲା। ଏବେ ଏଥିପାଇଁ ୫୭୯ ଟଙ୍କା ଦେବାକୁ ପଡ଼ିବ।

୫୩୩ ଟଙ୍କାରେ ଗ୍ରାହକମାନେ ଦୈନିକ ୨ ଜିବି ଡାଟା ପାଉଥିଲେ। ଏହାର ବୈଧତା ୫୬ ଦିନ ରହିଥିଲା। ଏବେ ଏଥିପାଇଁ ୬୨୯ ଟଙ୍କା ଦେବାକୁ ପଡ଼ିବ। ୩ ମାସ ପାଇଁ ରିଚାର୍ଜ ପ୍ଲାନର ବୈଧତା ମଧ୍ୟ ବୃଦ୍ଧି କରାଯାଇଛି। ୩୯୫ ଟଙ୍କାରେ ଗ୍ରାହକମାନେ ୬ ଜିବି ଡାଟା ପାଉଥିଲେ। ଏହାର ବୈଧତା ୮୪ ଦିନ ରହିଥିଲା। ଏବେ ଏଥିପାଇଁ ୪୭୯ ଟଙ୍କା ଦେବାକୁ ପଡ଼ିବ।

୬୬୬ ଟଙ୍କାରେ ଗ୍ରାହକମାନେ ଦୈନିକ ୧.୫ ଜିବି ଡାଟା ପାଉଥିଲେ। ଏହାର ବୈଧତା ୮୪ ଦିନ ରହିଥିଲା। ଏବେ ଏଥିପାଇଁ ୭୯୯ ଟଙ୍କା ଦେବାକୁ ପଡ଼ିବ।

୭୧୯ ଟଙ୍କାରେ ଗ୍ରାହକମାନେ ଦୈନିକ ୨ ଜିବି ଡାଟା ପାଉଥିଲେ। ଏହାର ବୈଧତା ୮୪ ଦିନ ରହିଥିଲା। ଏବେ ଏଥିପାଇଁ ୮୫୯ ଟଙ୍କା ଦେବାକୁ ପଡ଼ିବ।

୯୯୯ ଟଙ୍କାରେ ଗ୍ରାହକମାନେ ଦୈନିକ ୩ ଜିବି ଡାଟା ପାଉଥିଲେ। ଏହାର ବୈଧତା ୮୪ ଦିନ ରହିଥିଲା। ଏବେ ଏଥିପାଇଁ ୧୧୯୯ ଟଙ୍କା ଦେବାକୁ ପଡ଼ିବ।

ବାର୍ଷିକ ରିଚାର୍ଜ ପ୍ଲାନର ବୈଧତା ମଧ୍ୟ ବୃଦ୍ଧି କରାଯାଇଛି। ୧୫୫୯ ଟଙ୍କାରେ ଗ୍ରାହକମାନେ ମୋଟ ୨୪ ଜିବି ଡାଟା ପାଉଥିଲେ। ଏହାର ବୈଧତା ୩୩୬ ଦିନ ରହିଥିଲା। ଏବେ ଏଥିପାଇଁ ୧୮୯୯ ଟଙ୍କା ଦେବାକୁ ପଡ଼ିବ।

୨୯୯୯ ଟଙ୍କାରେ ଗ୍ରାହକମାନେ ମୋଟ ଦୈନିକ ୨.୫ ଜିବି ଡାଟା ପାଉଥିଲେ। ଏହାର ବୈଧତା ୩୬୫ ଦିନ ରହିଥିଲା। ଏବେ ଏଥିପାଇଁ ୩୫୯୯ ଟଙ୍କା ଦେବାକୁ ପଡ଼ିବ।

ତେବେ ରିଲାଏନ୍ସ ଜିଓର ଶୁଳ୍କ ବୃଦ୍ଧି ନିଷ୍ପତ୍ତି ପରେ ଏବେ ବିଶ୍ୱାସ କରାଯାଉଛି ଯେ ଏୟାରଟେଲ ଏବଂ ଭୋଡାଫୋନ୍ ଆଇଡିଆ ମଧ୍ୟ ମୋବାଇଲ୍ ଶୁଳ୍କ ବୃଦ୍ଧି କରିପାରନ୍ତି । ବାସ୍ତବରେ, ଶେଷ ଥର ପାଇଁ ଏହି କମ୍ପାନୀଗୁଡିକ ଡିସେମ୍ବର ୨୦୨୧ ରେ ଶୁଳ୍କ ବୃଦ୍ଧି କରିଥିଲେ। 

Powered by Froala Editor