ବର୍ଷାଦିନେ ଏପରି ନିଅନ୍ତୁ ତ୍ୱଚାର ଯତ୍ନ
ସମସ୍ତେ ଚାହାଁନ୍ତି ସୁନ୍ଦର ତ୍ୱଚା । କାରଣ ସୁନ୍ଦର ତ୍ୱଚା ହିଁ ମଣିଷକୁ ସକରାତ୍ମକ ଭାବନା ଦେଇଥାଏ । କିନ୍ତୁ ଆଜିକାଲି ଜଳବାୟୁର ପରିବର୍ତ୍ତନ ଓ ବ୍ୟସ୍ତ ଜୀବନ ଶୈଳି ପାଇଁ ଅନେକଙ୍କ ତ୍ୱାଚା ଖରାପ ହେଉଛି । ଯଦି ଆପଣ ନିଜ ସ୍କିନ ଟାଇପ୍ ଜାଣିପାରିବେ, ଆପଣ ପରଫେକ୍ଟ ତ୍ୱଚା ପାଇ ପାରିବେ । ସବୁ ପ୍ରକାର ତ୍ୱଚା ପାଇଁ ଭିନ୍ନ ଭିନ୍ନ ଫେସପ୍ୟାକର ଆବଶ୍ୟକତା ରହିଛି । ତେବେ ଏହି ବର୍ଷା ଦିନେ କିପରି ଆପଣ ତ୍ୱଚାକୁ ଚମକାଇ ପାରିବେ ଜାଣନ୍ତୁ ।
ଶୁଖିଲା କମଳା ଚୋପା ଓ ଦହି: କମଳା ଖାଇ ସାରିବା ପରେ ତା ଚୋପାକୁ ନ ଫୋପାଡି ତାକୁ ଶୁଖାଇ ଗୁଣ୍ଡ କରି ଦିଅନ୍ତୁ । ସେହି ଗୁଣ୍ଡରେ ଦହି ମିଶାଇ ତ୍ୱଚାରେ ଲଗାନ୍ତୁ । ୧୦ ରୁ ୧୫ ମିନିଟ୍ ପରେ ତ୍ୱଚାକୁ ଉଷୁମ ପାଣିରେ ଧୋଇ ଦିଅନ୍ତୁ ।
ଅମୃତ ଭଣ୍ଡା ଓ ମହୁ ପେଷ୍ଟ: କିଛି ପାଚିଲା ଅମୃତଭଣ୍ଡା ନେଇ ପେଷ୍ଟ ତିଆରି କରନ୍ତୁ । ସେଥିରେ କିଛି ମହୁ ମିଶାଇ ଚେହେରାରେ କିମ୍ବା ଦାଗ ସ୍ଥାନରେ ଳଗାନ୍ତୁ । ୨୦ ମିନିଟ୍ ପରେ ନଖ ଉଷୁମ ପାଣିରେ ଧୋଇଦିଅନ୍ତୁ । ଏହା ପରେ ଥଣ୍ଡା ପାଣିରେ ଭଲ ଭାବେ ତ୍ୱଚାକୁ ଧୋଇ ଦିଅନ୍ତୁ । ଦେଖବେ ଆପଣଙ୍କ ତ୍ୱଚା ଚମକି ଉଠିବ ।
ଆଳୁ: ଆଳୁ ତ୍ୱଚା ପାଇଁ ଅତ୍ୟନ୍ତ ଲାଭଦାୟକ ହୋଇଥାଏ । ଆଳୁ କୁ ପତଳା ପତଳା କରି କାଟି ଦିଅନ୍ତୁ । ଏହାକୁ ତ୍ୱଚାରେ ଲଗାଇ ୧୫ ରୁ ୨୦ ମିନିଟ୍ ଯାଏ ରଖନ୍ତୁ । ଏହା ପରେ ସଫା ପାଣିରେ ଧୋଇ ଦିଅନ୍ତୁ ।
ଚାଉଳ ଚୂନା ଓ କ୍ଷୀର : ୩ ଚାମଚ ଚାଉଳ ଚୂନା ନେଇ ସେଥିରେ କ୍ଷୀର ମିଶାଇ ପେଷ୍ଟ କରନ୍ତୁ । ମୁହଁରେ ଲଗାଇ ୨୦ ରୁ ୩୦ ମିନିଟ୍ ଯାଏ ରଖନ୍ତୁ । ଏହଳ ପରେ ଉଷୁମ ପାଣିରେ ତ୍ୱଚା ଧୋଇ ଦିଅନ୍ତୁ ।
ବେସନ ଓ ଗୋଲାପ ଜଳ: ବେସନ ଓ ଗୋଲାପ ଜଳ ନେଇ ଏକ ପେଷ୍ଟ ତିଆରି କରନ୍ତୁ । ଯଦି ଆପଣଙ୍କ ତ୍ୱଚା ଶୁଷ୍କ ଅଛି ତାହେଲେ ସେଥିରେ ଗୋଲାପ ଗୋଲାପ ଜଳ ବଦଳରେ ଦହି ନେଇପାରିବେ । ଏହାକୁ ଲଗାଇ ୨୦ ମିନିଟ୍ ପରେ ଧୋଇ ଦିଅନ୍ତୁ ।
Powered by Froala Editor