ପତ୍ନୀ ଚାକିରି କରନ୍ତୁ ବୋଲି ଚାହୁଁନଥିଲେ ସ୍ୱାମୀ । ଏକଥାକୁ ନେଇ ସବୁବେଳେ ଘରେ ଝଗଡା ଲାଗୁଥିଲା । ଶେଷରେ ଉତ୍ତକ୍ୟ ସ୍ୱାମୀ ସ୍ତ୍ରୀର ତଣ୍ଟି ଚିପି ହତ୍ୟା କରିଦେଇଛି । ଖାଲି ସେତିକି ନୁହେଁ ମାରିବା ପରେ ମୃତଦେହ ସହ ସେଲ୍‌ଫି ନେଇ ନିଜେ ଆତ୍ମହତ୍ୟା କରିଛନ୍ତି ସ୍ୱାମୀ । 

ଏପରି ଘଟଣା ଉତ୍ତରପ୍ରଦେଶର ଗାଜିଆବାଦରେ ଘଟିଛି। ପତିପତ୍ନୀ ଇଟୱା ଅଞ୍ଚଳର ହୋଇଥିବା ବେଳେ ଗାଜିଆବାଦରେ ରହୁଥିଲେ। ବ୍ୟକ୍ତିଜଣକ ସ୍ଥାନୀୟ ଅଞ୍ଚଳରେ କାମ କରୁଥିବା ବେଳେ ତାଙ୍କ ପତ୍ନୀ ନୋଏଡାର ଏକ ଘରୋଇ କମ୍ପାନୀରେ କାମ କରୁଥିଲେ। ପତ୍ନୀଙ୍କ ଚାକିରିକୁ ନେଇ ଉଭୟଙ୍କ ମଧ୍ୟରେ ଉଚ୍ଚବାଚ ହୋଇଥିଲା। ଏଥିରେ ଉତ୍ତ୍ୟକ୍ତ ବ୍ୟକ୍ତିଜଣକ ଏକ ସ୍କାର୍ପ ସାହାଯ୍ୟରେ ପତ୍ନୀଙ୍କ ତଣ୍ଟି ଚିପି ଦେଇଥିଲେ। ପରେ ସେ ପତ୍ନୀଙ୍କ ମୃତଦେହ ସହ ସେଲଫି ଉଠାଇଥିଲେ। ଏହାକୁ ସେ ସୋଶାଲ ମିଡିଆରେ ପୋଷ୍ଟ କରିଥିଲେ। ବ୍ୟକ୍ତିଙ୍କ ସାନ ଭାଇ ତାଙ୍କ ଭାଇଙ୍କୁ ଯୋଗାଯୋଗ କରିବାକୁ ଚେଷ୍ଟା କରିଥିଲେ। ମାତ୍ର ତାହା ସମ୍ଭବପର ହୋଇ ନ ପାରିବାରୁ ସେ ତୁରନ୍ତ ଘଟଣାସ୍ଥଳକୁ ଯାଇଥିଲେ। ପହଞ୍ଚିବା ପରେ ଚଟାଣରେ ଭାଉଜଙ୍କ ମୃତଦେହ ପଡ଼ିଥିବା ବେଳେ ଭାଇର ମୃତଦେହ ଝୁଲନ୍ତା ଅବସ୍ଥାରେ ଥିଲା। ଏହା ଦେଖି ଭାଇ ପୁଲିସକୁ ଖବର ଦେଇଥିଲେ । ଉଭୟଙ୍କୁ ଡାକ୍ତରଖାନା ନିଆଯାଇଥିଲେ ବି  ଡାକ୍ତର ମୃତ ଘୋଷଣା କରିଥିଲେ । 

Powered by Froala Editor