ଭୟଙ୍କର ଅଗ୍ନିକାଣ୍ଡରେ ଜଳିଗଲା ୨୦ ସ୍କ୍ରାପ୍ ଗୋଦାମ
ମହାରାଷ୍ଟ୍ର ଥାନେରେ ବଡ ଦୁର୍ଘଟଣା ଘଟିଛି । ଭୟାବହ ଅଗ୍ନିକାଣ୍ଡରେ ଜଳିଯାଇଛି ୧୫ରୁ ୨୦ ସ୍କ୍ରାପ୍ ଗୋଦାମ । ନିଆଁର ପ୍ରଭାବ ଏତେ ଥିଲା ଯେ, କିଛି ୪ ଚକିଆ ଗାଡି ବି ଜଳିଯାଇଛି । ଅଗ୍ନିକାଣ୍ଡର କାରଣ ଜଣାପଡିନଥିଲେ ହେଁ ତଦନ୍ତ ଜାରି ରହିଛି ।
ମହାରାଷ୍ଟ୍ରର ଥାନେ ଜିଲ୍ଲାର ଭିୱାଣ୍ଡିରେ ଥିବା ଏକ ସ୍କ୍ରାପ୍ ଗୋଦାମରେ ଭୟାବହ ଅଗ୍ନିକାଣ୍ଡ ଘଟିଛି। ଏହି ଅଗ୍ନିକାଣ୍ଡ ଘଟଣାଟି ଓଉଲି ଗ୍ରାମ ପଞ୍ଚାୟତ ଅଞ୍ଚଳର। ବିଳମ୍ବିତ ରାତିରେ ହଠାତ୍ ନିଆଁ ଲାଗିଯିବାରୁ ୧୫ରୁ ୨୦ଟି ସ୍କ୍ରାପ୍ ଗୋଦାମ ଜଳି ଯାଇଥିଲା। ମିଳିଥିବା ସୂଚନା ଅନୁସାରେ ପାରଶନାଥ ପରିସରରେ ଥିବା ଗୋଦାମଗୁଡ଼ିକରେ ଏହି ନିଆଁ ଲାଗିଥିଲା ।
ଅଗ୍ନିକାଣ୍ଡର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ସେପଟେ ନିଆଁକୁ ଆୟତ୍ତ କରିବା ପାଇଁ ଭିୱାଣ୍ଡି ଅଗ୍ନିଶମ ବାହିନୀର ଏକ ଗାଡି ଘଟଣାସ୍ଥଳରେ ପହଞ୍ଚିଥିଲେ। କିଛି ଘଣ୍ଟାର ଉଦ୍ୟମ ପରେ ସେମାନେ ନିଆଁକୁ ଆୟତ୍ତ କରିବାରେ ସଫଳ ହୋଇଥିଲେ । ଗୋଦାମରେ କାଠ ପ୍ଲାଇ, ପ୍ଲାଷ୍ଟିକ ସାମଗ୍ରୀ, କାଗଜ, କାର୍ଡବୋର୍ଡ ସମେତ ବିପୁଳ ପରିମାଣର ସ୍କ୍ରାପ୍ ରହିଥିଲା। ନିଆଁ ଏତେ ଭୟଙ୍କର ଥିଲା ଯେ ଆଖପାଖରେ ଥିବା କିଛି ଚାରି ଚକିଆ ଯାନରେ ମଧ୍ୟ ନିଆଁ ଲାଗିଯାଇଥିଲା ।
Powered by Froala Editor
