ଝିଅକୁ ପ୍ରେମିକ ସହ ଦେଖି ଶାଢୀରେ ତଣ୍ଟି ଚିପିଦେଲା ମା’
ଘରେ କେହି ନଥିବାବେଳେ ପ୍ରେମିକକୁ ଡାକିଥିବାରୁ ଝିଅର ତଣ୍ଟି ଚିପି ମାରିଦେଇଛି ମା’ । ଏ ହତ୍ୟାକାଣ୍ଡ ହାଇଦ୍ରାବାଦରେ ଘଟିଛି । ହାଇଦ୍ରାବାଦ ଇବ୍ରାହିମପଟନମ ସ୍ଥିତ ଘରେ ଜଙ୍ଗାମ୍ମା ତାଙ୍କର ୧୯ ବର୍ଷୀୟ ଝିଅ ଭାର୍ଗବୀଙ୍କୁ ତଣ୍ଟି ଚିପି ହତ୍ୟା କରିଛନ୍ତି। ଭାର୍ଗବୀ ଘରେ କେହି ନଥିବା ବେଳେ ତାଙ୍କ ପ୍ରେମିକଙ୍କୁ ଡାକିଥିଲେ। ଉଭୟଙ୍କୁ ଏକାଠି ପାଇବା ପରେ ସେ ଜଙ୍ଗାମ୍ମା ଏପରି କାଣ୍ଡ ଘଟାଇଛନ୍ତି।
ବୁଧବାର ଜଙ୍ଗାମ୍ମା ନିଜ କାମରୁ ଘରକୁ ହଠାତ୍ ଲଞ୍ଚ ପାଇଁ ଚାଲି ଆସିଥିଲେ। ଏହି ସମୟରେ ସେ ଭାର୍ଗବୀଙ୍କୁ ତାଙ୍କ ପ୍ରେମିକଙ୍କ ସହ ଘର ଭିତରେ ଦେଖିଥିଲେ। ଏହାକୁ ଦେଖିବା ପରେ ସେ ତୁରନ୍ତ ଝିଅର ପ୍ରେମିକଙ୍କୁ ଚାଲିଯିବାକୁ କହିଥିଲେ। ସେ ଯିବା ପରେ ଜଙ୍ଗାମ୍ମା ଝିଅକୁ ପ୍ରବଳ ପିଟିଥିଲେ। ଶେଷରେ ଶାଢ଼ୀ ଦ୍ୱାରା ତାଙ୍କ ତଣ୍ଟି ଚିପି ଦେଇଥିଲେ।
କିଛି ଦିନ ହେବ ଜଙ୍ଗାମ୍ମା ଝିଅର ବାହାଘର କରିବାକୁ ପୁଅ ଖୋଜୁ ଥିଲେ। ହେଲେ ଭାର୍ଗବୀ ଜଣଙ୍କୁ ଭଲ ପାଉଥିବାରୁ ବାହା ହେବାକୁ ରାଜି ହେଉ ନଥିଲେ। ଏସବୁ ଭିତରେ ପ୍ରେମିକ ସହ ଭାର୍ଗବୀଙ୍କୁ ଦେଖିବାରୁ ଜଙ୍ଗାମ୍ମା ହିତାହିତ ଜ୍ଞାନ ହରାଇଥିଲେ। ଭାର୍ଗବୀଙ୍କ ସାନ ଭାଇ ନାବାଳକ ହୋଇଥିଲେ ମଧ୍ୟ ମା’ଙ୍କ ବିରୋଧରେ ଅଭିଯୋଗ କରିଛନ୍ତି।
Powered by Froala Editor
