ରାଜ୍ୟପାଳ ପଦରୁ ଇସ୍ତଫା ପରେ ବିଜେପିରେ ମିଶିଲେ ତାମିଲସାଇ
ଦୁଇ ଦିନ ପୂର୍ବରୁ ତେଲେଙ୍ଗାରା ରାଜ୍ୟପାଳରୁ ଇସ୍ତଫା ଦେଇଥିଲେ ତାମିଲସାଇ ସୁନ୍ଦରରାଜନ । ତେବେ ଇସ୍ତଫା ଦେବା ପରେ ସେ ପୁଣି ବିଜେପିରେ ଯୋଗ ଦେଇଛନ୍ତି । ଲୋକସଭା ନିର୍ବାଚନ ପାଇଁ ସେ ମୈଦାନକୁ ଓହ୍ଲାଇପାରନ୍ତି ବୋଲି ଚର୍ଚ୍ଚା ହେଉଛି । ତେବେ ତାମିଲସାଇଙ୍କ ବିଜେପିରେ ଯୋଗଦାନ ବଡ଼ ମୋଡ ନେଇପାରେ ବୋଲି କୁହାଯାଉଛି ।
ସୁନ୍ଦରରାଜନ ଭବିଷ୍ୟତ ଯୋଜନା ବିଷୟରେ କହିଛନ୍ତି, ରାଜ୍ୟପାଳ ପଦରୁ ଇସ୍ତଫା ଦେବା କଠିନ ନିଷ୍ପତ୍ତି ଥିଲା। କାରଣ ରାଜ୍ୟପାଳ ହିସାବରେ ମୋ’ ପାଖରେ ଅନେକ ସୁବିଧା ଥିଲା। ହେଲେ ମୁଁ ତାକୁ ଛାଡ଼ିଛି। ଏକ ପ୍ରତିଶତ ବି ତାକୁ ନେଇ ଦୁଃଖ ନାହିଁ। ଏହାଛଡ଼ା ମୁଁ ନିର୍ବାଚନ ଲଢ଼ିବାକୁ ଚାହୁଁଛି। ମୁଁ ମୋର ଇଚ୍ଛା ବିଷୟରେ ଦଳକୁ ଅବଗତ କରାଇଛି। ମୁଁ ଖୁସି ଯେ ପୁଣିଥରେ ମୋତେ ସଦସ୍ୟତା ମିଳିଛି। ଆଗାମୀ ଦିନରେ ତାମିଲନାଡ଼ୁରେ ପଦ୍ମ ଆସିବ ବୋଲି ସେ ଦୃଢ଼ୋକ୍ତି ପ୍ରକାଶ କରିଛନ୍ତି।
Powered by Froala Editor
