ଦୀପିକା ପାଦୁକୋନ ଏବଂ ରଣବୀର ସିଂଙ୍କ ପ୍ରଶଂସକଙ୍କୁ ଖୁସି ଖବର ଦେଇଛନ୍ତି। ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ସେ ଗର୍ଭବତୀ ଥିବା ଘୋଷଣା କରିଛନ୍ତି। ସେପ୍ଟେମ୍ବରରେ ସେ ସନ୍ତାନ ପ୍ରସବ କରିବେ ବୋଲି କହିଛନ୍ତି ।

ବଲିଉଡ୍ର ମସ୍ତାନୀ ଦୀପିକା ପାଦୁକୋନ ତାଙ୍କ ପର୍ସନାଲ ଲାଇଫ୍ ନେଇ ଚର୍ଚ୍ଚାରେ ଅଛନ୍ତି। ଯେତେବେଳେ ଦୀପିକା ଏବଂ ରଣବୀର ସମସ୍ତଙ୍କୁ ଏହି ଖୁସି ଖବର ଦେଇଥିଲେ, ପ୍ରଶଂସକମାନେ ଖୁସି ଝୁମି ଉଠିଥିଲେ।

ରିପୋର୍ଟ ଅନୁଯାୟୀ, ଦୀପିକା ବର୍ତ୍ତମାନ ସମୟରେ ଅଧିକ କାମ କରିବାକୁ ଚାହୁଁନାହାଁନ୍ତି। ସେ କେବଳ ଏହି ମୁହୂର୍ତ୍ତକୁ ଉପଭୋଗ କରିବାକୁ ଚାହୁଁଛନ୍ତି ଏବଂ ତାଙ୍କର ଶାରୀରିକ ଏବଂ ମାନସିକ ସ୍ଵାସ୍ଥ୍ୟ ଉପରେ ଧ୍ୟାନ ଦେବାକୁ ଚାହୁଁଛନ୍ତି। ଏଥିପାଇଁ ସେ ଅଧିକ ଭ୍ରମଣ କରୁ ନାହାଁନ୍ତି ଏବଂ କେବଳ ବେଙ୍ଗାଲୁରୁରେ ଥିବା ତାଙ୍କ ପିତାମାତାଙ୍କ ଘରକୁ ଯାଉଛନ୍ତି । କେବଳ ଏତିକି ନୁହେଁ, ରଣବୀର ମଧ୍ୟ ଏହି ସମୟରେ ଦୀପିକାଙ୍କର ବହୁତ ଯତ୍ନ ନେଉଛନ୍ତି।

କିଛି ଦିନ ତଳେ ସ୍ବାମୀ ତଥା ଅଭିନେତା ରଣବୀର ସିଂହଙ୍କୁ, ଦୀପିକା ଛାଡ଼ପତ୍ର ଦେବେ ବୋଲି ଚର୍ଚ୍ଚା ଜୋର ଧରିଥିଲା। ଏଭଳି ଚର୍ଚ୍ଚା ମଧ୍ୟରେ ଦୀପିକାଙ୍କ ଏକ ଭିଡିଓ ଭାଇରାଲ ହୋଇଥିଲା, ଯେଉଁଥିରେ ତାଙ୍କ ବେବି ବମ୍ପ ନଜର ଆସୁଥିବା କଥା ଲୋକେ କହିବା ଆରମ୍ଭ କରିଥିଲେ। ଚର୍ଚ୍ଚା ମଧ୍ୟରେ ଦୀପିକା ଇନଷ୍ଟାରେ ଏକ ପୋଷ୍ଟ କରି ଗର୍ଭବତୀ ଅଛନ୍ତି ବୋଲି ଜଣାଇଛନ୍ତି।

Powered by Froala Editor