ରିଲିଜ ହେବା ମାତ୍ରେ ସୁପରଷ୍ଟାର ହ୍ରିତିକ ରୋଶନ ଏବଂ ଦୀପିକା ପାଦୁକୋନଙ୍କ ଫିଲ୍ମ ‘ଫାଇଟର୍’ ବକ୍ସ ଅଫିସରେ ଧମାଲ କରିବା ଆରମ୍ଭ କରିଛି। ଜାନୁଆରୀ ୨୫ରେ ପ୍ରେକ୍ଷାଳୟରେ ମୁକ୍ତିଲାଭ କରିଛି ‘ଫାଇଟର୍‌’। ଏହା ଆରମ୍ଭ ଦିନରୁ ହିଟ୍‌ ସାବ୍ୟସ୍ତ ହୋଇଛି। ଏହି ଚଳଚ୍ଚିତ୍ରକୁ ଉଭୟ ଦର୍ଶକ ଏବଂ ସମୀକ୍ଷକଙ୍କମାନେ ପସନ୍ଦ କରୁଥିବା ଦେଖିବାକୁ ମିଳିଛି। ଲୋକମାନେ ଫିଲ୍ମର ଭିଜୁଆଲ୍ ଏବଂ କଳାକାରଙ୍କ କାମକୁ ଖୁବ ପସନ୍ଦ କରିଛନ୍ତି।

‘ଫାଇଟର୍‌’ ଦ୍ୱିତୀୟ ଦିନରେ ଟିକେଟ ଓିଣ୍ଡୋରେ ବମ୍ପର ରୋଜଗାର କରିଥିଲା। ପ୍ରଥମ ସପ୍ତାହ ‘ଫାଇଟର୍‌’ ଆଡଭାନ୍ସ ବୁକିଂ ମାଧ୍ୟମରେ ୭ କୋଟି ଟଙ୍କା ବ୍ୟବସାୟ କରିଥିଲା ଏବଂ ୨ ଦିନ ମଧ୍ୟରେ ଫିଲ୍ମ ୫୦ କୋଟି ଟଙ୍କା ଅତିକ୍ରମ କରିଛି। ତୃତୀୟ ଏବଂ ଚତୁର୍ଥ ଦିନରେ ଭଲ ରୋଜଗାର କରି ସିଦ୍ଧାର୍ଥ ଆନନ୍ଦଙ୍କ ନିର୍ଦ୍ଦେଶିତ ଫିଲ୍ମଟି ୧୦୦ କୋଟି ଟଙ୍କାର କ୍ଲବରେ ପ୍ରବେଶ କରିଛି।  ବିଶ୍ବ ବକ୍ସ ଅଫିସର ଆୟକୁ ଦେଖିବା ତେବେ ଫିଲ୍ମଟି ମୋଟ ୨୦୦କୋଟି ଟଙ୍କା ଆୟ କରିସାରିଥିବା ଜଣାପଡ଼ିଛି। 

‘ଫାଇଟର’ ହେଉଛି ଭାରତର ସବୁଠୁ ବଡ଼ ଏରିଲ ଆକ୍ସନ ଫିଲ୍ମ। ଫିଲ୍ମର ଭିଏଫ୍‌ଏକ୍ସକୁ ମଧ୍ୟ ବହୁତ ପ୍ରଶଂସା କରାଯାଉଛି। ସୋସିଆଲ ମିଡିଆରେ ପ୍ରଶଂସକମାନେ ଏହି ଫିଲ୍ମକୁ ଫୁଲ୍‌ ଏଣ୍ଟରଟେନିଂ ବୋଲି କହୁଛନ୍ତି।

Powered by Froala Editor