ନୂଆଦିଲ୍ଲୀ: ସୋମବାର ଅଯୋଧ୍ୟା ରାମ ମନ୍ଦିରରେ ରାମ ଲାଲାଙ୍କ ପ୍ରାଣ ପ୍ରତିଷ୍ଠା ଉତ୍ସବ ରହିଛି। ଏଥିଲାଗି ପ୍ରସ୍ତୁତି ପ୍ରାୟ ଶେଷ ପର୍ୟ୍ୟାୟରେ ପହଞ୍ଚିଛି। ରବିବାର ଅଯୋଧ୍ୟାରେ୧୨୫ କଳସରେ ରାମଲାଲାଙ୍କ ବିଗ୍ରହର  ଦିବ୍ୟସ୍ନାନ କରାଯାଇ ମହାପୂଜା କରାଯିବ । ପ୍ରାଣ ପ୍ରତିଷ୍ଠା ଲାଗି ପ୍ରସ୍ତୁତି ପ୍ରାୟ ଶେଷ ପର୍ୟ୍ୟାୟରେ ପହଞ୍ଚିଛି। ମହାରାଷ୍ଟ୍ର ସରକାର ଜାନୁଆରୀ ୨୨ ତାରିଖକୁ  ପ୍ରାଣ ପ୍ରତିଷ୍ଠା ପାଇଁ ଛୁଟି ଘୋଷଣା କରିଥିଲେ । ଯେଉଁଥିପାଇଁ  ବହୁ ବିବାଦ ଦେଖାଦେଇଥିଲା। ୪ଜଣ ଛାତ୍ର ଏହା ବିରୋଧରେ ବମ୍ବେ ହାଇକୋର୍ଟଙ୍କ ନିକଟରେ ପହଞ୍ଚିଛନ୍ତି। ରବିବାର ଏହି ଆବେଦନ ଉପରେ ଶୁଣାଣି କରାଯିବ । ମିଳିଥିବା ସୂଚନା ଅନୁଯାୟୀ ଚାରିଜଣ ଛାତ୍ର ବମ୍ବେ ହାଇକୋର୍ଟରେ ଜାନୁଆରୀ ୨୨କୁ ମହାରାଷ୍ଟ୍ର ସରକାରଙ୍କ ଛୁଟିଦିନ ଘୋଷଣାକୁ ଚ୍ୟାଲେଞ୍ଜ କରି ପିଏଲ ଦାଖଲ କରିଛନ୍ତି। ଏହି ଆବେଦନ ଶିବାଙ୍ଗୀ ଅଗ୍ରୱାଲ, ବେଦାନ୍ତ ଗୌରବ ଅଗ୍ରୱାଲ, ସତ୍ୟଜିତ୍ ସିଦ୍ଧାର୍ଥ ସାଲଭେ ଏବଂ ଖୁସି ସନ୍ଦୀପ ବାଙ୍ଗିଆଙ୍କ ଦ୍ୱାରା ଦାଖଲ କରାଯାଇଛି। ସମସ୍ତେ ଏମଏନଏଲୟୁ , ମୁମ୍ବାଇ, ଜିଏଲସିଏବଂ ନିର୍ମା ଆଇନ ବିଦ୍ୟାଳୟର ଛାତ୍ର ବୋଲି ଜଣାପଡିଛି। ଆବେଦନକାରୀଙ୍କ କହିବା ମୁତାବକ  ଯେକୌଣସି ଧାର୍ମିକ  କାର୍ୟ୍ୟକ୍ରମ ପାଳନ କରିବା ପାଇଁ ସର୍ବସାଧାରଣ ଛୁଟି ଘୋଷଣା ସମ୍ବିଧାନରେ ଧାର୍ୟ୍ୟ ନିରପେକ୍ଷତାର  ନୀତିର ଉଲ୍ଲଂଘନ ଅଟେ।

Powered by Froala Editor