ମୋଦିଙ୍କୁ ଭାବ ବିହ୍ୱଳ କଲା ମୈଥଳୀଙ୍କ ‘ମା ଶବରୀ’ ଗୀତ
‘ମା ଶବରୀ’ ଗୀତ ଗାଇଥିବା ବିହାରୀ ଗାୟିକା ମୈଥିଳୀ ଠାକୁରଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଖୁବ୍ ପ୍ରଶଂସା କରିଛନ୍ତି। ଜାନୁଆରୀ ୨୨ରେ ଅଯୋଧ୍ୟାରେ ରାମ ମନ୍ଦିରରେ ରାମ ଲଲାଙ୍କ ପ୍ରାଣ ପ୍ରତିଷ୍ଠା ପୂର୍ବରୁ ମୋଦୀ ବିଶେଷ ରୀତିନୀତି କରୁଛନ୍ତି। ଅନେକ ରାମ ଭଜନ ଶେୟାର ପରେ ଶନିବାର ପ୍ରଧାନମନ୍ତ୍ରୀ ମା ଶବରୀ ପ୍ରସଙ୍ଗ ସହ ଜଡିତ ମୈଥିଲୀ ଠାକୁରଙ୍କ ଏକ ଗୀତ ଶେୟାର କରିଛନ୍ତି। ଏହି ଗୀତ ପାଇଁ ସେ ବିହାରର ମୈଥିଲୀ ଠାକୁରଙ୍କୁ ପ୍ରଶଂସା କରିଛନ୍ତି।
ମୋଦି ଟୁଇଟରର ଏକ ପୋଷ୍ଟରେ ଲେଖିଛନ୍ତି, ଅଯୋଧ୍ୟାରେ ପ୍ରାଣ ପ୍ରତିଷ୍ଠା ଉତ୍ସବ ସାରା ଦେଶରେ ମୋର ପରିବାର ସଦସ୍ୟଙ୍କୁ ପ୍ରଭୁ ଶ୍ରୀ ରାମଙ୍କ ଜୀବନ ଏବଂ ଆଦର୍ଶ ସହ ଜଡିତ ପ୍ରତ୍ୟେକ ଘଟଣାକୁ ମନେ ପକାଉଛି। ଏହିପରି ଏକ ଭାବପ୍ରବଣ ଘଟଣା ଶବରୀ ସହ ଜଡିତ। ଶୁଣନ୍ତୁ, ମୈଥିଳୀ ଠାକୁର କେମିତି ସେ ଘଟଣାକୁ ତାଙ୍କ ସୁଲଳିତ କଣ୍ଠରେ ଗାୟନ କରିଛନ୍ତି।
ଉଲ୍ଲେଖଯୋଗ୍ୟ, ବିହାରର ବେନୀପଟ୍ଟୀରେ ଜନ୍ମିତା ମୈଥିଳୀ ଠାକୁର ତାଙ୍କ ‘ୟୁଟ୍ୟୁବ୍ ଚାନେଲ୍’ରେ ହିନ୍ଦୀ, ଭୋଜପୁରୀ ଓ ମୈଥିଳୀ ଭାଷାରେ ଅନେକ ଗୀତ ଗାଇ ବେଶ୍ ଲୋକପ୍ରିୟ ହୋଇପାରିଛନ୍ତି।
Powered by Froala Editor
