ରଶ୍ମିକା, କାଜୋଲ, ସାରାଙ୍କ ପରେ ଡିପଫେକ୍ର ଶିକାର ଆଲିଆ
ରଶ୍ମିକା ମନ୍ଦାନା, କାଟ୍ରିନା କୈଫ, କାଜୋଲ, ସଚିନଙ୍କ ଝିଅ ସାରା ତେନ୍ଦୁଲକରଙ୍କ ପରେ ଏବେ ବଲିଉଡ ଅଭିନେତ୍ରୀ ଆଲିଆ ଭଟ୍ଟଙ୍କ ଡିପଫେକ୍ ଭିଡିଓ ଭାଇରାଲ ହେଉଛି।
ଏକ ହାଲୁକା ନୀଳ ରଙ୍ଗର ଗାଉନ ପିନ୍ଧି ଅଶ୍ଲୀଳ ଇଙ୍ଗିତ କରୁଥିବାର ଭିଡିଓରେ ଦେଖିବାକୁ ମିଳିଛି। ଅନ୍ୟ କାହାର ଏକ ଭିଡିଓରେ ଆଲିଆ ଭଟ୍ଟଙ୍କ ଚେହେରାକୁ ଏଡିଟ୍ କରାଯାଇଛି।
ଜ୍ଞାନକୌଶଳର ଅପବ୍ୟବହାର କରି କଳାକାରଙ୍କୁ ବଦନାମ କରାଯାଉଛି। ପୂର୍ବରୁ ଡିପଫେକ୍ ଭିଡିଓକୁ ନେଇ ଅଭିନେତ୍ରୀ ରଶ୍ମିକା ମନ୍ଦାନା ତୀବ୍ର ପ୍ରତିକ୍ରିୟା ପ୍ରକାଶ କରିଥିଲେ। ଏହା ବିରୋଧରେ କଡା ପଦକ୍ଷେପ ନେବା ସହ ନୂଆ ନିୟମ ଅଣାଯାଉ ବୋଲି ଦାବି କରିଥିଲେ ।
ତେବେ ଏହି ଭିଡିଓ ବାବଦରେ ଆଲିଆଙ୍କ କୌଣସି ମନ୍ତବ୍ୟ ମିଳିନାହିଁ । କିନ୍ତୁ ସେ ନିଶ୍ଚୟ ଏହାର ପ୍ରତିବାଦ ଓ କାର୍ଯ୍ୟାନୁଷ୍ଠାନ ଦାବି କରିବେ ବୋଲି ଶୁଣାଯାଉଛି । ଅନ୍ୟପଟେ ତାଙ୍କ ଫ୍ୟାନ୍ସ ଏଥିରେ କ୍ଷୋଭ ପ୍ରକାଶ କରିଛନ୍ତି ।
Powered by Froala Editor
