ବିଶ୍ୱକପ ୨୦୨୩ ଫାଇନାଲ ମ୍ୟାଚରେ ଅଷ୍ଟ୍ରେଲିଆ ଭାରତକୁ ପରାସ୍ତ କରି ଷଷ୍ଠ ଥର ବିଶ୍ୱକପ ଜିତିଛି। ତେବେ ଫାଇନାଲ ମ୍ୟାଚ୍ ଦେଖିବାକୁ ଲୋକଙ୍କ ଖଚାଖଚ ଭିଡ ହୋଇଥିଲା । କିନ୍ତୁ ମ୍ୟାଚ ଶେଷ ପରେ ଲୋକଙ୍କ ଫେରିବା ଚିନ୍ତା ବଢିଯାଇଛି ।

ରବିବାର ରାତିରେ ଫାଇନାଲ ମ୍ୟାଚ ହୋଇଥିଲା । ତେଣୁ ଶନିବାର ଲୋକଙ୍କ ଭିଡ ଜମିଥିଲା । ଶନିବାର ଦେଶର ପ୍ରାୟ ୪.୬ଲକ୍ଷ ଲୋକ ବିମାନ ଯାତ୍ରା ରେକର୍ଡ ମଧ୍ୟ କରିଛନ୍ତି। ଅହମଦାବାଦରେ ମ୍ୟାଚ ଦେଖୁଥିବା ଲୋକଙ୍କ ଆଗମନ ଯୋଗୁଁ ହୋଟେଲ, ରେଷ୍ଟୁରାଣ୍ଟ, ଟ୍ୟାକ୍ସି ଏବଂ ବିମାନ ଶିଳ୍ପ ବହୁ ଲାଭବାନ ହୋଇଥିଲେ। ଚାହିଦା ବୃଦ୍ଧି ହେତୁ ବିମାନ କମ୍ପାନୀଗୁଡ଼ିକ ଧନୀ ହୋଇଗଲେ।

ଫାଇନାଲ ଶେଷ ହେବା ପରେ ବର୍ତ୍ତମାନ ଫେରି ଆସୁଥିବା ଲୋକଙ୍କୁ ମଧ୍ୟ ମହଙ୍ଗା ବିମାନ ଟିକେଟ କିଣିବାକୁ ପଡିବ। ନଭେମ୍ବର ୨୦ପାଇଁ ଅହମଦାବାଦରୁ ଦିଲ୍ଲୀ ପର୍ଯ୍ୟନ୍ତ ଟିକେଟର ମୂଲ୍ୟ ପ୍ରାୟ ୨୪ ରୁ ୪୦ ହଜାର ଟଙ୍କା। ସେହିଭଳି ଅହମଦାବାଦରୁ ମୁମ୍ବାଇ ଅଭିମୁଖେ ଯାଉଥିବା ବିମାନ ଟିକେଟର ମୂଲ୍ୟ ୨୫ ରୁ ୩୬ ହଜାର ମଧ୍ୟରେ ରହିଛି। କୋଲକାତା ବିମାନ ଟିକେଟ ୩୮ରୁ ୪୯ହଜାର ଟଙ୍କାରେ ପହଞ୍ଚିଛି। ବିମାନ ସେବା ବେଙ୍ଗାଲୁରୁ ପାଇଁ ପ୍ରାୟ ୩୧ରୁ ୫। ହଜାର ଏବଂ ହାଇଦ୍ରାବାଦ ପାଇଁ ୩୦ ରୁ ୪୩ହଜାର ଟଙ୍କା ରହିଛି। ଫଳରେ ଲୋକଙ୍କ ଭିତରେ ଅସନ୍ତୋଷ ଦେଖାଦେଇଛି । ହଠାତ୍ ଦରବୃଦ୍ଧିକୁ କମାଇବା ପାଇଁ ସେମାନେ ଦାବି କରିଛନ୍ତି ।

Powered by Froala Editor