ପାକିସ୍ତାନ କ୍ରିକେଟ ଟିମ୍ ଅଧିନାୟକ ପଦରୁ ବାବରଙ୍କ ଇସ୍ତଫା
ବିଶ୍ୱକପରେ ଲଜ୍ଜାଜନ ପ୍ରଦର୍ଶନ କରିଥିବା ପାକିସ୍ତାନ କ୍ରିକେଟ ଟିମର ଅଧିନାୟକ ପଦରୁ ଇସ୍ତଫା ଦେଇଛନ୍ତି ବାବର ଆଜମ। ସେ ନିଜେ ସୋସିଆଲ ମିଡିଆରେ ପୋଷ୍ଟ ଶେୟାର କରି ଏନେଇ ସୂଚନା ଦେଇଛନ୍ତି। ବାବର ତାଙ୍କ ଇସ୍ତଫା ପତ୍ରରେ ପାକିସ୍ତାନ କ୍ରିକେଟ ବୋର୍ଡ ପାଖକୁ ପଠାଇ ଦେଇଛନ୍ତି।
ପାକିସ୍ତାନ ବିଶ୍ୱକପର ୯ ମୁକାବିଲାରୁ କେବଳ ୪ଟିରେ ଜିତିବାକୁ ସକ୍ଷମ ହୋଇଥିଲା। ଦଳ ସେମି ଫାଇନାଲରେ ପ୍ରବେଶ କରି ପାରି ନଥିଲା। ବିଶ୍ୱକପରେ ବାବରଙ୍କ ପ୍ରଦର୍ଶନ ମଧ୍ୟ ଆଖିଦୃଶିଆ ନଥିଲା। ସେ ୯ଟି ମ୍ୟାଚ୍ରେ କେବଳ ୩୨୦ ରନ କରିବାକୁ ସକ୍ଷମ ହୋଇଥିଲେ।
ବାବର ପ୍ରଥମ ଥର ଲାଗି ଅଧିନାୟକ ଭାବେ ଦାୟିତ୍ୱ ସମ୍ଭାଳିବା ଦିନକୁ ମନେପକାଇବା ସହ ତିନି ଫର୍ମାଟରୁ ଇସ୍ତଫା ଦେଇଥିବା କହିଛନ୍ତି। ଏବେ ସେ କେବଳ ଖେଳାଳି ଭାବେ ଦଳ ସହ ଯୋଡ଼ି ହୋଇ ରହିବେ ବୋଲି ସ୍ପଷ୍ଟ କରିଛନ୍ତି।
ବିଶ୍ୱକପରେ ଶଦାବ ଖାନ ପାକିସ୍ତାନର ଉପ ଅଧିନାୟକ ଥିଲେ। ସେହିପରି ଶାହୀନ ଶାହ ଆଫ୍ରିଦି ମଧ୍ୟ ଠିକଠାକ ପ୍ରଦର୍ଶନ କରିଥିଲେ। ତେଣୁ ଏହି ଦୁଇ ଜଣଙ୍କ ମଧ୍ୟରୁ ଜଣେ ଅଧିନାୟକ ହୋଇପାରନ୍ତି।
Powered by Froala Editor
