ସୁନୀଲ ଗାଭାସ୍କରଙ୍କ ଟିମରେ ଧୋନି ଅଧିନାୟକ
ନୂଆଦିଲ୍ଲୀ: କିମ୍ବଦନ୍ତୀ ବ୍ୟାଟସମ୍ୟାନ ସୁନୀଲ ଗାଭାସ୍କର ନିଜ ପସନ୍ଦର ସର୍ବକାଳୀନ ଶ୍ରେଷ୍ଠ ଆଇପିଏଲ ଏକାଦଶ ଚୟନ କରିଛନ୍ତି । ଏହି ଏକାଦଶରେ ମହେନ୍ଦ୍ର ସିଂ ଧୋନି ଅଧିନାୟକ ରହିଛନ୍ତି । ଦଳରେ ସେ ୭ ଭାରତୀୟ ଏବଂ ୪ ଜଣ ବିଦେଶୀ ଖେଳାଳିଙ୍କୁ ନେଇଛନ୍ତି । ବିଦେଶୀ ଖେଳାଳିଙ୍କ ମଧ୍ୟରେ ରହିଛନ୍ତି କି୍ରସ ଗେଲ, ଡେଭିଡ ୱାର୍ଣ୍ଣର, ଏବି ଡିଭିଲର୍ସ ଓ ସୁନୀଲ ନାରାଏନ । ୧୨ ତମ ଖେଳାଳି ଭାବେ ସେ ଲସିଥ ମାଲିଙ୍ଗାଙ୍କୁ ସାମିଲ କରିଛନ୍ତି । ଗାଭାସ୍କର କହିଛନ୍ତି, ଜୀବନରେ କେବେ ଖେଳାଳି ଚୟନକର୍ତ୍ତା ହୋଇପାରିନି । କିନ୍ତୁ ଏବେ ବୁଝି ପାରୁଛି ଖେଳାଳି ଚୟନ କରିବା କେତେ କଷ୍ଟକର । ଯଦି ମୁଁ କୌଣସି ଭଲ ଖେଳାଳିଙ୍କୁ ଦଳରେ ସାମିଲ କରି ପାରିନଥାଏ ତେବେ ସେଥିପାଇଁ କ୍ଷମା କରିବେ ।’
ଗାଭାସ୍କରଙ୍କ ଆଇପିଏଲ ଏକାଦଶ: ରୋହିତ ଶର୍ମା, କି୍ରସ ଗେଲ, ଡେଭିଡ ୱାର୍ଣ୍ଣର, ବିରାଟ କୋହଲି, ସୁରେଶ ରାଇନା, ଏବି ଡିଭିଲର୍ସ, ଏମଏସ ଧୋନି, ରବୀନ୍ଦ୍ର ଜାଡେଜା, ସୁନୀଲ ନାରାଏନ, ଭୁବନେଶ୍ୱ କୁମାର, ଯଶପ୍ରୀତ ବୁମରା ଓ ଲସିଥ ମାଲିଙ୍ଗ (୧୨ତମ ଖେଳାଳି) ।
