ବୁଢ଼ୀ ଠାକୁରାଣୀ ମନ୍ଦିର ପୂଜକଙ୍କୁ ହାତଗୋଡ ବାନ୍ଧି ହତ୍ୟା
କୋରାପୁଟ ଟାଉନ ଥାନା ଅନ୍ତର୍ଗତ ୨୬ ନଂ ଜାତୀୟ ରାଜପଥ କଡ଼ରେ ଥିବା ବୁଢ଼ୀ ଠାକୁରାଣୀ ମନ୍ଦିର ପୂଜକ ରମେଶ ଚନ୍ଦ୍ର ତ୍ରିପାଠୀଙ୍କ ହାତ ଗୋଡ଼ ବନ୍ଧା ମୃତଦେହ ଉଦ୍ଧାର କରାଯାଇଛି । ମନ୍ଦିର ପଛ ବାସଭବନରେ ମୃତଦେହ ପଡ଼ିଥିବା ଦେଖିବାକୁ ମିଳିଥିବାବେଳେ ଘରର ଆସବାବପତ୍ର ଏଣେତେଣେ ପଡ଼ିଥିବାର ଦେଖିବାକୁ ମିଳିଛି । ଘଟଣାସ୍ଥଳରେ କୋରାପୁଟ ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି।
ବୁଧବାର ସକାଳେ ପୂଜକ ରମେଶଙ୍କ ଘରେ କାମ କରୁଥିବା ସ୍ତ୍ରୀ ଲୋକଟି ଘର ଭିତରେ ମୃତଦେହ ପଡ଼ିଥିବା ଦେଖି ସାହି ବାସିନ୍ଦାଙ୍କୁ ଜଣାଇଥିଲେ । ସାହି ଲୋକେ ଟାଉନ ଥାନାକୁ ସୂଚନା ଦେଇଥିଲେ। ଅତିରିକ୍ତ ଏସପି ବଳଭଦ୍ର ଦୀପ, ଡି ଏସ ପି ସୁମିତ୍ରା ଜେନା, ଟାଉନ ଥାନାର ସବ ଇନ୍ସପେକ୍ଟର ସୁଲୋଚନା ପ୍ରଧାନ ପୁଲିସ ଟିମ ସହ ଘଟଣା ସ୍ଥଳରେ ପହଞ୍ଚି ମୃତଦେହ ଜବତ କରି ତଦନ୍ତ ଆରମ୍ଭ କରିଛି।
Powered by Froala Editor
