ହାର୍ଟ ଆଟାକ୍ରେ ଗର୍ଭବତୀ ଅଭିନେତ୍ରୀଙ୍କ ମୃତ୍ୟୁ
ମାଲାୟଲମ ଫିଲ୍ମ ଦୁନିଆରେ ଗୋଟିଏ ପରେ ଗୋଟିଏ ଦୁଃଖଦ ଖବର ଶୁଣିବାକୁ ମିଳୁଛି । ଦୁଇ ତିନ ଦିନ ତଳେ ଜଣେ ଅଭିନେତ୍ରୀ ସୁଇସାଇଡ କରିଥିବାବେଳେ ତାଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଥିଲା । ଏବେ ପୁଣି ଜଣେ ଅଭିନେତ୍ରୀଙ୍କ ଆର୍ଟ ଆଟାକ୍ରେ ମୃତ୍ୟୁ ଘଟିଛି । ଅଭିନେତ୍ରୀ ହେଲେ ଡାକ୍ତର ପ୍ରିୟା । ତାଙ୍କୁ ୩୫ ବର୍ଷ ହୋଇଥିବାବେଳେ ସେ ୮ ମାସର ଗର୍ଭବତୀ ମଧ୍ୟ ଥିଲେ । ଏଭଳି ଆକସ୍ମିକ ମୃତ୍ୟୁକୁ ପରିବାର ଲୋକେ ଗ୍ରହଣ କରିପାରୁନାହାନ୍ତି । ଅନ୍ୟପଟେ ଶିଶୁଟି ଆଇସିୟୁରେ ରହିଛି ।
ରିପୋର୍ଟ ଅନୁସାରେ ଡକ୍ଟର ପ୍ରିୟା କାରୁଥାମୁଠୁରେ ଅଭିନୟ କରି ଖୁବ୍ ଲୋକପ୍ରିୟା ହୋଇପାରିଥିଲେ। ସେ ଗର୍ଭବତୀ ଥିବାରୁ ନିୟମିତ ଭାବେ ଡାକ୍ତରଙ୍କ ଦ୍ୱାରା ଚେକ୍ଅପ୍ କରୁଥିଲେ। ହେଲେ ମଙ୍ଗଳବାର ଛାତିରେ ଯନ୍ତ୍ରଣା ହେବାରୁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏନେଇ ଅଭିନେତା କିଶୋର ସତ୍ୟା ସୋସିଆଲ ମିଡିଆରେ ଭାବବିହ୍ୱଳ ମେସେଜ୍ ଲେଖିଛନ୍ତି। ତାଙ୍କର କୌଣସି ସ୍ୱାସ୍ଥ୍ୟ ସମସ୍ୟା ନଥିଲା। ସେ ୮ ମାସର ଗର୍ଭବତୀ ଥିଲେ। ବର୍ତ୍ତମାନ ଶିଶୁଟି ଆଇସିୟୁରେ ରହିଛି।
Powered by Froala Editor
