ବିକାଶ କ୍ଷେତ୍ରରେ ଯୋଡିହେବ ନୂଆ ଫର୍ଦ୍ଦ, କଳାହାଣ୍ଡି ଯିବେ ନବୀନ
ଭୁବନେଶ୍ୱର : କଳାହାଣ୍ଡି ଯିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କଳାହାଣ୍ଡି ବିକାଶ କ୍ଷେତ୍ରରେ ଯୋଡିହେବ ଆଉ ଏକ ନୂଆ ଫର୍ଦ୍ଦ । କଳାହାଣ୍ଡିର ପ୍ରତିଷ୍ଠା ଦିବସ ଅବସରରେ ଜିଲ୍ଲାକୁ ଗସ୍ତ କରିବେ ମୁଖ୍ୟମନ୍ତ୍ରୀ । ଏହି ଅବସରରେ କଳାହାଣ୍ଡି ଜିଲ୍ଲାବାସୀଙ୍କୁ ଅନେକ ଉନ୍ନୟନ ପ୍ରକଳ୍ପର ଭେଟି ଦେବା ସହ ଭିତ୍ତିପ୍ରସ୍ତର ସ୍ଥାପନ କରିବେ ।
ସକାଳ ୧୧ ଟା ୩୦ ମିନିଟ୍ରେ ହେଲିକପ୍ଟର ଯୋଗେ ମୁଖ୍ୟମନ୍ତ୍ରୀ ରେଣ୍ଡୋ ମାଝି ମେଡିକାଲ କଲେଜ ପରିସରରେ ହେଲିକପ୍ଟର ଯୋଗେ ଓହ୍ଲାଇବେ । ଏହାପରେ ନବ ନିର୍ମିତ ରେଣ୍ଡୋ ମାଝୀ ମେଡିକାଲ କଲେଜର ଉଦ୍ଘାଟନ କରିବେ ମୁଖ୍ୟମନ୍ତ୍ରୀ । ଏହାପରେ ୧୧ ଟା ୫୦ ମିନିଟରେ କଳାହାଣ୍ଡି ବିଶ୍ୱବିଦ୍ୟାଳୟରେ ପହଞ୍ଚିବେ । ନବ ନିର୍ମିତ ଅତ୍ୟାଧୁନିକ ଭବାନୀପାଟଣା ବସଷ୍ଟାଣ୍ଡର ଲୋକାର୍ପଣ କରିବେ । ଏଥିସହ ଲକ୍ଷ୍ମୀ ଯୋଜନାରେ ଲକ୍ଷ୍ମୀ ବସ୍କୁ ପତାକା ଦେଖାଇ ଶୁଭାରମ୍ଭ ମଧ୍ୟ କରିବେ । ସେଠାରେ ଏକ ସଭାରେ କଳାହାଣ୍ଡି ବାସୀଙ୍କୁ ସମ୍ବୋଧନ ଦେବେ । ଏହାସହିତ ବିଭିନ୍ନ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ ସହ ଉଦ୍ଘାଟନ କରିବାର କାର୍ୟ୍ୟକ୍ରମ ରହିଛି ।ଉତ୍କେଲା ବିମାନବନ୍ଦରରୁ ୧ ଟା ୩୫ ମିନିଟରେ ଭୁବନେଶ୍ୱର ଅଭିମୁଖେ ଉଡାଣ ଭରିବେ ।
Powered by Froala Editor
