ଭୁବନେଶ୍ୱର: ଅଭିନେତା ମନୋଜ ମିଶ୍ରଙ୍କ ପାଇଁ ଓଡିଶା ଦୁଇ ଭାଗ ହେବା କଥା କଂଗ୍ରେସର ବରିଷ୍ଠ ନେତା ନରସିଂହ ମିଶ୍ର କହିବା ପରେ ଏହାକୁ ଗ୍ରହଣ କରିପାରିନାହାଁନ୍ତି ଅଭିନେତା ତଥା ଚଳଚ୍ଚିତ୍ର ନିଗମ ଅଧ୍ୟକ୍ଷ କୁନା ତ୍ରିପାଠୀ ।  ଓଲିଉଡ୍  ବିବାଦ ଭିତରେ ନରସିଂହଙ୍କ ହସ୍ତକ୍ଷେପ ଗ୍ରହଣୀୟ ନୁହେଁ ବୋଲି କହିଛନ୍ତି କୁନା ତ୍ରିପାଠୀ ।
କୁନା ତ୍ରିପାଠୀ ଆହୁରି ମଧ୍ୟ କହିଛନ୍ତି ଯେ, ‘ ମନୋଜ ମିଶ୍ରଙ୍କ ବିବାଦକୁ ନେଇ ଓଡିଶା ଭାଗ ଭାଗ ହେଇଯିବା କଥା ଆସିଲା କେଉଁଠୁ । ମନୋଜଙ୍କ ପ୍ରତି ତାଙ୍କର ଅହେତୁକ ଭଲପାଇବା ପାଇଁ ହେଉ କିମ୍ବା ରାଜନୈତିକ ଦୃଷ୍ଟି କୋଣରୁ ହେଉ , ଭାବବିହ୍ୱଳ ହୋଇ ନରସିଂହ ମିଶ୍ର ଏଭଳି କଥା କହିଛନ୍ତି । କିନ୍ତୁ ରହିଲା ପ୍ରାନ୍ତିୟ ବିଭେଦ କଥା, ସିନେମାରେ ପ୍ରାନ୍ତ କଥା ବି ଆସେ ନାହିଁ । ଯଦି ସେଭଳି ହୋଇଥାନ୍ତା ତାହେଲେ ଅଭିନେତା ଶରତ ପୂଜାରୀ, ଅପରାଜିତା ମହାନ୍ତି ଓଡିଆ ସିନେମାରେ ପ୍ରତିଷ୍ଠା ପାଇନଥାନ୍ତେ କି ସବ୍ୟସାଚୀ ମହାପାତ୍ରଙ୍କ ଭଳି ଜଣେ ଅନ୍ତରାଷ୍ଟ୍ରୀୟ ଖ୍ୟାତିସମ୍ପନ୍ନ ନିର୍ଦ୍ଦେଶକ ବି ପ୍ରତିଷ୍ଠା ପାଇନଥାନ୍ତେ । ଓଲିଉଡର ଏ କଳି ବ୍ୟକ୍ତିଗତ ସ୍ତରରେ ଆପୋଷ ଆଲୋଚନାରେ ତୁଟିଥାନ୍ତା କିନ୍ତୁ ଏହା ଏବେ ଆଉଟ୍ ଅଫ୍ ପ୍ରପୋର୍ସନ ହେବାରେ ଲାଗିଛି । ମୁରବୀମାନେ କଳି ନତୁଟାଇ କଥା ମାଜି କଳି ବଢେଇବାକୁ ଚେଷ୍ଟା କରୁଛନ୍ତି’ ।

Powered by Froala Editor