ଇସ୍ରାଏଲରେ ଫସିଥିଲେ, ଭାରତ ଫେରିଲେ ନୁସରତ
ଭୟଙ୍କର ହେଲାଣି ପାଲେଷ୍ଟାଇନ ଓ ଇସ୍ରାଏଲ ଯୁଦ୍ଧ । ଦେଶରେ ଜରୁରୀ ପରିସ୍ଥିତି ଘୋଷଣା ହୋଇସାରିଛି । ଏହାସହ ଭାରତୀୟଙ୍କ ପାଇଁ ଆଡଭାଇଜରି ଜାରି କରାଯାଇଛି । ଏଭଳି ସ୍ଥିତିରେ ସେଠାରେ ଫସି ରହିଥିବା ବଲିଉଡ ଅଭିନେତ୍ରୀ ନୁସରତ ଭରୁଚା ଭାରତରେ ପହଞ୍ଚିଛନ୍ତି ।
ଏକ ଫିଲ୍ମ ଫେଷ୍ଟିଭାଲରେ ଯୋଗ ଦେବାକୁ ନୁସରତ ଇସ୍ରାଏଲ ଯାଇଥିଲେ। ତେବେ ଇସ୍ରାଏଲ ପାଲେଷ୍ଟାଇନ ମଧ୍ୟରେ ଅଚାନକ ଯୁଦ୍ଧ ହେବା ପରେ ସେ ଜେରୁଜେଲମରେ ଫସି ରହିଥିଲେ। ଯୁଦ୍ଧ ପରିସ୍ଥିତି ଯୋଗୁଁ ବାହାରକୁ ବାହାରି ପାରୁନଥିଲେ ନୁସରତ। ନୁସରତଙ୍କୁ ଫେରାଇ ଆଣିବା ଲାଗି ତାଙ୍କ ପରିବାର ଲୋକେ ବହୁ ଚେଷ୍ଟା ଚଳାଇଥିଲେ। ଇସ୍ରାଏଲରେ ଥିବା ଭାରତୀୟ ରାଷ୍ଟ୍ରଦୂତଙ୍କ ସହ ମଧ୍ୟ ସମ୍ପର୍କ କରାଯାଇଥିଲା। ପରେ ସେ ସ୍ୱତନ୍ତ୍ର ବିମାନ ଯୋଗେ ଇସ୍ରାଏଲରୁ ଫେରିଥିବା ସୂଚନା ମିଳିଛି। ସ୍ୱତନ୍ତ୍ର ବିମାନ ଯୋଗେ ଆସି ସେ ମୁମ୍ବାଇରେ ପହଞ୍ଚିଛନ୍ତି।
ଉଲ୍ଲେଖଯୋଗ୍ୟ, ଶନିବାର ପ୍ରତ୍ୟୁଷରୁ ଆତଙ୍କବାଦୀ ସଙ୍ଗଠନ ହମାସ୍ ଗାଜାରୁ ଇସ୍ରାଏଲ୍ ଆଡ଼କୁ ମାତ୍ର ୨୦ ମିନିଟ୍ ମଧ୍ୟରେ ପ୍ରାୟ ୫୦୦୦ ରକେଟ ନିକ୍ଷେପ କରି ଆକ୍ରମଣ ଆରମ୍ଭ କରିଥିଲା। ବିଭିନ୍ନ ପଥ ଓ ପାରାସୁଟ୍ ଯୋଗେ ମଧ୍ୟ ଅନେକ ଆତଙ୍କବାଦୀ ଇସ୍ରାଏଲ୍ରେ ଅନୁପ୍ରବେଶ କରିବାରେ ସଫଳ ହୋଇଥିଲେ।
Powered by Froala Editor
