ଅନ୍ଧାରରେ କିଭଳି ଦେଖାଯାଉଛି ବିକ୍ରମ ଲ୍ୟାଣ୍ଡର, ଫଟୋ ଉଠାଇଲା ଚନ୍ଦ୍ରୟାନ-୨
ଭାରତୀୟ ସ୍ପେସ୍ ରିସର୍ଚ୍ଚ ଅର୍ଗାନାଇଜେସନ୍ ପକ୍ଷରୁ ଆଉ ଏକ ବଡ଼ ତଥ୍ୟ ଦିଆଯାଉଛି । ISRO ପକ୍ଷରୁ ଚନ୍ଦ୍ରାୟନ-୨ ସମ୍ବଦ୍ଧୀୟ ନୂଆ ସୂଚନା ଦିଆଯାଇଛି । ସେପ୍ଟେମ୍ବର ୬, ୨୦୨୩ରେ ଚନ୍ଦ୍ରୟାନ-୨ ଅର୍ବିଟରରେ ଡୁଆଲ୍ ଫ୍ରିକ୍ୱେନ୍ସି ସିନ୍ଥେଟିକ୍ ଆପର୍ଚର ରାଡାର (DFSAR) ଯନ୍ତ୍ର ଦ୍ୱାରା ନିଆଯାଇଥିବା ଚନ୍ଦ୍ରୟାନ -୩ ଲ୍ୟାଣ୍ଡର ଏକ ପ୍ରତିଛବି ଅଂଶୀଦାର କରିଛି ଇସ୍ରୋ ।
ସେପ୍ଟେମ୍ବର ୫, ୨୦୨୩ରେ ଚନ୍ଦ୍ରର ସେହି ଅଂଶରେ ରାତି ହୋଇଯାଇଥିଲା ଯେଉଁଠାରେ ଚନ୍ଦ୍ରଯାନ-୩ର ବିକ୍ରମ ଲ୍ୟାଣ୍ଡର ଅବତରଣ କରିଥିଲା। ଏବେ ଚନ୍ଦ୍ରଯାନ-୩ର ଲ୍ୟାଣ୍ଡର୍ ଅନ୍ଧାରରେ କିପରି ଦେଖାଯାଉଛି, ତାହାର ଏକ ଝଲକ ଦେଖିବାକୁ ମିଳିଛି। ଲ୍ୟାଣ୍ଡର୍ ଅନ୍ଧାରରେ କିପରି ଦିଶୁଛି, ଏହା ଜାଣିବା ପାଇଁ ଚନ୍ଦ୍ରଯାନ-୨ର ଅର୍ବିଟରକୁ ଏହା ଉପର ଦେଇ ପାସ୍ କରାଯାଇଥିଲା। ଅର୍ବିଟରରେ ସ୍ଥାପିତ ସ୍ୱତନ୍ତ୍ର କ୍ୟାମେରା ରାତିର ଅନ୍ଧକାରରେ ଚନ୍ଦ୍ରଯାନ-୩ର ଏକ ଫଟୋ ଉଠାଇଥିଲା। ଏବେ ଇସ୍ରୋ ଅର୍ବିଟର ପଠାଇଥିବା ଏହି ଫଟୋକୁ ଟ୍ବିଟ କରି ଭାରତବାସୀଙ୍କ ସହ ସେୟାର କରିଛି।
ଏହାପୂର୍ବରୁ ନାସାର LRO ଚନ୍ଦ୍ର ଦକ୍ଷିଣ ଅଞ୍ଚଳରେ ଚନ୍ଦ୍ରୟାନ-୩ର ଅବତରଣ ସ୍ଥାନର ଚିତ୍ର କଏଦ କରିଥିଲା ।
Powered by Froala Editor
