କୁକୁର ପାଇଁ ଭାଲୁ ସହ ଲଢ଼ିଲେ ୧୭ ବର୍ଷୀୟ ଝିଅ
ନିଜ ପୋଷା କୁକୁର ପାଇଁ ଜୀବନର ବାଜି ଲଗାଇ ଦେଇଛି ୧୭ ବର୍ଷୀୟ ଝିଅ । ଭାଲୁ ମୁହଁରୁ ପ୍ରିୟ କୁକୁରକୁ ବଞ୍ଚାଇଛି । ଏପରି ଘଟଣା ଦେଖିବାକୁ ମିଳିଛି ଆମେରିକାର କାଲିଫର୍ନିଆରେ । ପୋଷା କୁକୁରକୁ ବଞ୍ଚାଇବାକୁ ଯାଇ ୧୭ ବର୍ଷର ଝିଅ ଭାଲୁ ସହିତ ମଧ୍ୟ ଲଢେଇ କରୁଛି । ଘଟଣାଟି ବିଶ୍ୱାସ ହେଉନଥିଲେ ମଧ୍ୟ ସତ । ସୋସିଆଲ ମିଡିଆରେ ଏହି ଭିଡିଓ ଖୁବ ଭାଇରାଲ ହୋଇଛି ।
ସେହି ଝିଅଟିର ନାଁ ହେଉଛି ହେଲି ମୋରିନିକା । ଏକ ଭାଲୁ ତାର ପିଲାମାନଙ୍କୁ ନେଇ ହେଲିଙ୍କ ଘର ପଛ ପାଖରେ ଥିବା କାନ୍ଥ ଉପରକୁ ଡେଇଁବାକୁ ଚେଷ୍ଟା କରୁଥିବାବେଳେ, ପୋଷା କୁକୁରମାନେ ଭୁକିବାକୁ ଲାଗିଥିଲେ । ସେହି ସମୟରେ ହେଲି ସେଠାରେ ଆସି ପହଞ୍ଚି ଦେଖିଲେ ଯେ, କୁକୁରମାନଙ୍କୁ ଏକ ଭାଲୁ ଆକ୍ରମଣ କରିବାକୁ ଯାଉଛି । ସେତେବେଳେ ସେ ଭୟ ନକରି ସାହାସିକତାର ସହିତ ଭାଲୁକୁ ଧକ୍କା ଦେଇ ପାଚେରୀ ତଳକୁ ଠେଲି ଦେଇଥିଲେ । ଏହାପରେ ନିଜ କୁକୁରର ଜୀବନ ବଞ୍ଚାଇ ସେମାନଙ୍କୁ ଘର ଭିତରକୁ ନେଇଯାଇଥିଲେ ।
Powered by Froala Editor
