ଏମିତି ଭିଡିଓ ସେୟାର କଲେ ଅନୁପମ, ଚିହ୍ନି ପାରିଲେନି ଦର୍ଶକ
'କାଶ୍ମୀର ଫାଇଲ୍ସ' ସଫଳତା ପରେ ଭେଟେରାନ ଅଭିନେତା ଅନୁପମ ଖେର ରବୀନ୍ଦ୍ର ନାଥ ଟାଗୋରଙ୍କ ଭୂମିକାରେ ନଜର ଆସିବେ । ଅନୁପମ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଏକ ଭିଡିଓ ଶେୟାର କରିଛନ୍ତି। ଯାହା ସହିତ ସେ ତାଙ୍କର ଆଗାମୀ ଫିଲ୍ମ ବିଷୟରେ ମଧ୍ୟ ଘୋଷଣା କରିଛନ୍ତି। ସେୟାର ହୋଇଥିବା ଭିଡିଓଟି କଳା ଏବଂ ଧଳା ଅଟେ। ଯେଉଁଥିରେ ଅନୁପମ ଖେରଙ୍କୁ ରବୀନ୍ଦ୍ରନାଥ ଟାଗୋର ଭାବରେ ଦେଖିବାକୁ ମିଳିବ।
ଭିଡିଓ ଶେୟାର କରି ଅନୁପମ ଲେଖିଛନ୍ତି, ସେ ତାଙ୍କର ୫୩୮ ତମ ପ୍ରୋଜେକ୍ଟରେ ରବୀନ୍ଦ୍ରନାଥ ଟାଗୋର ଦେଖିବାକୁ ଯାଉଛନ୍ତି। ପରଦାରେ ରବୀନ୍ଦ୍ରନାଥ ଟାଗୋର ଭୂମିକାରେ ସୁଯୋଗ ମିଳିଛି। ଏହା ପରେ ସେ ଖୁବ ଶୀଘ୍ର ଫିଲ୍ମ ବିଷୟରେ ବାକି ତଥ୍ୟ ସେୟାର କରିବାକୁ କହିଛନ୍ତି। ଭିଡିଓ ସାମ୍ନାକୁ ଆସିବା ପରେ ପ୍ରଶଂସକମାନେ ଅନୁପମଙ୍କ କାର୍ଯ୍ୟକୁ ପ୍ରଶଂସା କରିବାରେ ଲାଗିଛି । ଧଳା ରଙ୍ଗର କେଶ ଏବଂ ବଡ ଦାଢିରେ ଅନୁପମ ଖେରଙ୍କୁ ଚିହ୍ନିବା ଅତ୍ୟନ୍ତ କଷ୍ଟକର ।
Powered by Froala Editor
