ସଞ୍ଜୟଙ୍କ ଝିଅକୁ କରଣ ଦେଲେନି ଅଫର, ସାଉଥରେ ମିଳିଲା ସୁଯୋଗ
ଏବେ ସାଉଥ ଫିଲ୍ମରୁ ଅଭିନୟରେ ଡେବ୍ୟୁ କରିବେ ଅଭିନେତା ସଞ୍ଜୟ କପୁରଙ୍କ ଝିଅ ଶନାୟା କପୁର । ଖବର ଅନୁଯାୟୀ, ସେ ମୋହନଲାଲଙ୍କ ସହ ଫିଲ୍ମ ବୃଷବରୁ ସାଉଥ ଫିଲ୍ମରେ ଡେବ୍ୟୁ କରିବେ। ଏହି ଚଳଚ୍ଚିତ୍ରରେ ଶନାୟା କପୁର ଏକ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ। କନ୍ନଡ ନିର୍ଦ୍ଦେଶକ ନନ୍ଦା କିଶୋର ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେବେ। ଶନାୟାଙ୍କ ବ୍ୟତୀତ ରୋଶନ ମେକା, ଗରୁଡ ରାମ ଏବଂ ଶ୍ରୀକାନ୍ତଙ୍କ ଭଳି କଳାକାର ଅଭିନୟ କରିବେ।
ଚଳଚ୍ଚିତ୍ରଟି ଏକ ବାପ ଏବଂ ପୁଅର ସମ୍ପର୍କକୁ ନେଇ ନିର୍ମାଣ ହେବ। ଚଳଚ୍ଚିତ୍ରରେ କାହାଣୀର ଅତୀତ ଏବଂ ବର୍ତ୍ତମାନକୁ ନେଇ ଅନେକ ଦୃଶ୍ୟ ରହିବ। ଏହି ଚଳଚ୍ଚିତ୍ରରେ ଶନାୟାଙ୍କ ଭୂମିକା ଗ୍ଲାମରସ୍ ରହିବ।
କୁହାଯାଉଛି ଯେ କରଣ ଜୋହର ତାଙ୍କୁ ଫିଲ୍ମରେ ଅଫର ଦେଇନଥିଲେ । କିନ୍ତୁ ସାଉଥରେ ତାଙ୍କ ଭାଗ୍ୟ ଖୋଲିଛି । ନୂଆ ମୁହଁ ଭାବେ ତାଙ୍କୁ ବୃଷଭରେ ଅଭିନୟ ଆରମ୍ଭ କରିବାର ସୁଯୋଗ ମିଳିଛି ।
Powered by Froala Editor
