ବ୍ରିଜଭୂଷଣଙ୍କ ଘରେ ଦିଲ୍ଲୀ ପୁଲିସର ପଚରାଉଚରା
କୁସ୍ତି ମହାସଂଘର ସଭାପତି ତଥା ବିଜେପି ସାଂସଦ ବ୍ରିଜ ଭୂଷଣ ଶରଣ ସିଂହଙ୍କ ଘରେ ଦିଲ୍ଲୀ ପୁଲିସ୍ ପଶି ତନାଘନା କରିଛି । ଦିଲ୍ଳୀ ପୁଲିସ୍ର ଏକ ଟିମ୍ ସୋମବାର ରାତିରେ ବ୍ରିଜଭୂଷଣଙ୍କର ଲକ୍ଷ୍ନୌ ଏବଂ ଗୋଣ୍ଡାସ୍ଥିତ ଘରେ ପହଞ୍ଚି ତାଙ୍କ ପରିବାରର ୧୨ ଜଣଙ୍କ ବୟାନ ରେକର୍ଡ କରିଛି।
ଦେଶର ଷ୍ଟାର ରେସଲରମାନେ ବ୍ରିଜ ଭୂଷଣଙ୍କ ବିରୋଧରେ ଯୌନ ଉତ୍ପୀଡ଼ନ ଅଭିଯୋଗ ଆଣି ଦୀର୍ଘ ମାସ ଆନ୍ଦୋଳନ ଚଳାଇବା ପରେ ଗତ ଶନିବାର ରାତିରେ ଗୃହ ମନ୍ତ୍ରୀ ଅମିତ ଶାହଙ୍କୁ ଭେଟିଥିଲେ। ଏହାପରେ ବ୍ରିଜ ଭୂଷଣଙ୍କ ଉତ୍ତରପ୍ରଦେଶସ୍ଥିତ ଘରେ ପଶିଛି ଦିଲ୍ଲୀ ପୁଲିସ୍ । ଏହି ଘଟଣାରେ ପୁଲିସ୍ ୧୨ ଜଣଙ୍କୁ ପଚରାଉଚରା କରିବା ସହ ସେମାନଙ୍କ ପରିଚୟପତ୍ର ନାଁ ଓ ଠିକଣା ସଂଗ୍ରହ କରିଛି। ହେଲେ ପୁଲିସ୍ ଉକ୍ତ ସମୟରେ ବ୍ରିଜ ଭୂଷଣଙ୍କୁ ପଚରାଉଚରା କରିଛି ନା ନାହିଁ ତାହା ଜଣାନାହିଁ।
ବ୍ରିଜ ଭୂଷଣଙ୍କ ବହୁ ସମର୍ଥକଙ୍କୁ ବି ପୁଲିସ୍ ପଚରାଉଚରା କରିଥିବା ଜଣାଯାଇଛି। ଏସ୍ଆଇଟଇ ଏଯାବତ ଏହି ମାମଲାରେ ୧୩୭ ଜଣଙ୍କୁ ପଚରାଉଚରା କରି ସାରିଛି।
Powered by Froala Editor
