ମଣିପୁରରେ ଦେଖାଦେଇଥିବା ଦୁଇଗୋଷ୍ଠୀ ମଧ୍ୟ ସଂଘର୍ଷରେ ଏ ପର୍ଯ୍ୟନ୍ତ ପ୍ରାୟ ୯୮ ଲୋକଙ୍କ ଜୀବନ ଗଲାଣି। ହିଂସା ପରେ ଶାନ୍ତି ବଜାୟ ରଖିବା ପାଇଁ ପ୍ରୟାସ ଜାରି ରହିଛି। କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା ଏବଂ ମଣିପୁର ମୁଖ୍ୟମନ୍ତ୍ରୀ ଏନ୍‌. ବିରେନ ସିଂଙ୍କ ଅପିଲ ପରେ ଜୁନ ୧ରେ ରାଜ୍ୟର ବିଭିନ୍ନ ସ୍ଥାନରେ ୧୪୦ଟି ଅସ୍ତ୍ର ସମର୍ପଣ କରାଯାଇଛି। ୨୪ଘଣ୍ଟା ପୂର୍ବରୁ ସ୍ବରାଷ୍ଟ୍ର ମନ୍ତ୍ରୀ ଅପିଲ କରିଥିଲେ ଯେ ଯେଉଁମାନଙ୍କ ପାଖରେ ଅସ୍ତ୍ରଶସ୍ତ୍ର ଅଛି ସେମାନେ ଆସି ପୋଲିସକୁ ହସ୍ତାନ୍ତର କରନ୍ତୁ, ନଚେତ୍‌ ରାଜ୍ୟରେ ଅସ୍ତ୍ରଶସ୍ତ୍ର ଜବତ କରିବା ପାଇଁ ପୋଲିସ ତଦନ୍ତ ଅଭିଯାନ କରିବ। ଏପର୍ଯ୍ୟନ୍ତ ୧୪୦ ଅସ୍ତ୍ରଶସ୍ତ୍ର ପୁଲିସ ନିକଟରେ ସମର୍ପଣ କରିଛନ୍ତି। ଯାହା ଭିତରେ ଏକେ-୪୭, ଷ୍ଟେନ୍ ଗନ୍, ପିସ୍ତଲ, ଟିଅରଗ୍ୟାସ୍ ଲଞ୍ଚର, ଇନ୍‌ସାସ୍ ରାଇଫେଲ୍, ଗ୍ରେନେଡ୍ ଲଞ୍ଚର ରହିଛି।

ଇଫାଲ୍‌ର ପଶ୍ଚିମ ଓ ପୂର୍ବ ଅଞ୍ଚଳ ସମେତ ବିଷ୍ଣୁପୁରରେ ୧୨ ଘଣ୍ଟିଆ କର୍ଫ୍ୟୁ କୋହଳ ହୋଇଛି। ଜିରିବାମ୍‌ରେ ୮ ଘଣ୍ଟା ପର୍ଯ୍ୟନ୍ତ( ସକାଳ ୮ରୁ ଅପରାହ୍ନ ୪ଟା), ଥୋବାଲ୍ ଏବଂ କାଚିଂରେ ୭ଘଣ୍ଟା ପର୍ଯ୍ୟନ୍ତ(ସକାଳ ୫ରୁ ମଧ୍ୟାହ୍ନ), ଚୁରାଚାନ୍ଦପୁର ଏବଂ ଚାନ୍ଦେଲରେ ୧୦ ଘଣ୍ଟା ପର୍ଯ୍ୟନ୍ତ(ସକାଳ ୫ରୁ ଅପରାହ୍ନ ୩ଟା), ଟେଙ୍ଗନୁପାଲ୍‌ରେ ୮ ଘଣ୍ଟା ପର୍ଯ୍ୟନ୍ତ(ସକାଳ ୬ଟାରୁ ଅପରାହ୍ନ ୨ଟା), କାଙ୍ଗପୋକପିରେ ୧୧ ଘଣ୍ଟା ପର୍ଯ୍ୟନ୍ତ (ସକାଳ ୬ରୁ ସନ୍ଧ୍ୟା ୫), ଫେର୍ଜାୱଲ୍‌ରେ ୧୨ ଘଣ୍ଟା ପର୍ଯ୍ୟନ୍ତ (ସକାଳ୬ରୁ ସନ୍ଧ୍ୟା ୬) କର୍ଫ୍ୟୁ କୋହଳ ହୋଇଛି।

Powered by Froala Editor