ବେଙ୍ଗାଲୁରୁ: ସମ୍ପ୍ରସାରିତ ହେଲା କର୍ଣ୍ଣାଟକ ମନ୍ତ୍ରିମଣ୍ଡଳ । ସାମିଲ ହେଲେ ୨୪ ନୂଆ ମନ୍ତ୍ରୀ । ଶପଥ ନେଇଥିବା ମନ୍ତ୍ରୀଙ୍କ ମଧ୍ୟରେ ଅଛନ୍ତି ଦିନେଶ ଗୁଣ୍ଡୁରାଓ, କ୍ରିଷ୍ଣା ବାଇରେ ଗୌଡା, ଈଶ୍ବର ଖାଣ୍ଡାରେ, ରହିମ ଖାନ, ସନ୍ତୋଷ ଲାଡ, କେ.ଏନ. ରାଜାନ୍ନା, କେ. ଭେଙ୍କଟେଶ, ଏଚ ସି ମହାଦେବାପ୍ପା, ବାଇରଥି ସୁରେଶ, ଶିବରାଜ ତାଙ୍ଗାଡି, ଆର.ବି. ତିମ୍ପୁର, ବି. ନାଗେନ୍ଦ୍ର, ଲକ୍ଷ୍ମୀ ହେବଲକର, ମଧୁ ବାଙ୍ଗରାପ୍ପା. ଡି. ସୁଧାକର ପ୍ରମୁଖ । ନୂଆ ମନ୍ତ୍ରୀଙ୍କ ମଧ୍ୟରେ ରହିଛନ୍ତି ୯ ଜଣ ନୂଆ ମୁହଁ ଓ ଜଣେ ମହିଳା ।

ମନ୍ତ୍ରୀମାନଙ୍କ ମଧ୍ୟରେ ଅଛନ୍ତି ୬ଜଣ ଭୋକାଲିଗା ସମ୍ପ୍ରଦାୟର, ୮ ଜଣ ଲିଙ୍ଗାୟତ୍ତ ବର୍ଗର । ଏସସି ବର୍ଗର ୪ ଜଣ, ଏସଟି ବର୍ଗର ୨ ଜଣ ଓ ଓବିସି ଅନ୍ତର୍ଗତ କୁରୁବା, ରାଜୁ, ମରାଠା, ଏଡିଗା ଓ ମୋଗବୀରା ସମ୍ପ୍ରଦାୟରୁ ୫ ଜଣଙ୍କୁ ସାମିଲ କରାଯାଇଛି । ପୂର୍ବରୁ ଗତ ୨୦ ତାରିଖରେ ମୁଖ୍ୟମନ୍ତ୍ରୀ ସିଦ୍ଧରମୈୟା, ଉପମୁଖ୍ୟମନ୍ତ୍ରୀ ଡି.କେ. ଶିବକୁମାର ଓ ଅନ୍ୟ ୮ ମନ୍ତ୍ରୀ ଶପଥ ନେଇଥିଲେ ।  ଏହି ୨୪ଜଣଙ୍କ ନାମ ସିଦ୍ଧରମୈୟା, ଶିବକୁମାର, ଏଆଇସିସି ସାଧାରଣ ସମ୍ପାଦକ କେ.ସି. ଭେନୁଗୋପାଲ ଓ ରଣଦୀପ ସୂର୍ଜେଓ୍ବାଲାଙ୍କୁ ନେଇ ହୋଇଥିବା ଆଲୋଚନାରେ ସ୍ଥିରୀକୃତ ହୋଇଥିଲା । ଚୂଡ଼ାନ୍ତ ତାଲିକାକୁ ମଞ୍ଜୁର କରିଥିଲେ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ ଓ କଂଗ୍ରେସ ନେତା ରାହୁଲ ଗାନ୍ଧି ।

Powered by Froala Editor