କର୍ଣ୍ଣାଟକର ପରବର୍ତ୍ତୀ ମୁଖ୍ୟମନ୍ତ୍ରୀ ସିଦ୍ଧରମୈୟା
ବେଙ୍ଗାଲୁରୁ: ସିଦ୍ଧରମୈୟା ହେବେ କର୍ଣ୍ଣାଟକର ପରବର୍ତ୍ତୀ ମୁଖ୍ୟମନ୍ତ୍ରୀ । ଡିକେ ଶିବକୁମାର ହେବେ ଉପମୁଖ୍ୟମନ୍ତ୍ରୀ । ୨୦ତାରିଖରେ ଶପଥ ଗ୍ରହଣ । ୪ଦିନ ଧରି ମାରାଥନ ବିଚାର ବିମର୍ଶ ପରେ ଏହି ଚିତ୍ର ପ୍ରାୟ ସ୍ପଷ୍ଟ ହୋଇଛି । ଏହା ଆଗରୁ ଗୁରୁବାର ସଂଧ୍ୟାରେ ବେଙ୍ଗଲୁରୁରେ କଂଗ୍ରେସ ବିଧାୟକ ଦଳ ବୈଠକ ଡକାଯାଇଛି ।
ବୁଧବାର କଂଗ୍ରେସ ହାଇକମାଣ୍ଡଙ୍କ ସହ ଦିଲ୍ଲୀରେ ଲମ୍ବା ସମୟ ଧରି ଆଲୋଚନା ଚାଲିଥିଲା । ରାହୁଲ ଗାନ୍ଧୀ ଏବଂ ଖଗଡେ ମାରାଥନ ବୈଠକ କରିଥିଲେ । ଏହାପରେ ଚିତ୍ର ସ୍ପଷ୍ଟ ହୋଇଥିବା ଅନୁମାନ କରାଯାଉଛି । ଆସନ୍ତା ଶନିବାର କର୍ଣ୍ଣାଟକରେ ଶପଥ ସମାରୋହ ହେବ । ଅପରାହ୍ଣ ପ୍ରାୟ ସାଢେ ୩ଟା ବେଳେ ଶପଥ ଗ୍ରହଣ ଉତ୍ସବ ହେବ ।କର୍ଣ୍ଣାଟକ ରାଜ୍ୟପାଳ ସିଦ୍ଦରମେୟାଙ୍କୁ ମୁଖ୍ୟମନ୍ତ୍ରୀ ଭାବେ ପଦ ଓ ଗୋପନୀୟତାର ଶପଥ ପାଠ କରାଇବେ । ଏଥିରେ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେଙ୍କ ସହିତ ଗାନ୍ଧି ପରିବାର ଓ ବହୁ ବରିଷ୍ଠା ନେତା ସାମିଲ ହେବେ । ସେହିପରି କଂଗ୍ରେସ ବିଚାରଧାରା ରଖୁଥିବା ଲୋକଙ୍କୁ ଏହି ସମାରୋହରେ ସାମିଲ ହେବାକୁ ନିମନ୍ତ୍ରଣ ଦିଆଯାଇଛି ।
Powered by Froala Editor
