ପୂଜା କରିବାକୁ ମହିଳାଙ୍କୁ ମିଳିବ ସ୍ପେଶାଲ ଛୁଟି
ଏଣିକି ମହିଳା କର୍ମଚାରୀଙ୍କ ପାଇଁ ସ୍ବତନ୍ତ୍ର ଛୁଟି ଘୋଷଣା କରିଛନ୍ତି ପୁଡୁଚେରୀ ସରକାର। ୮ ଘଣ୍ଟାର ଅଫିସ୍ ଟାଇମ୍ରୁ ୨ ଘଣ୍ଟା ସେମାନେ କରି ପାରିବେ ଠାକୁରଙ୍କ ପୂଜା। ଏଥିନିମନ୍ତେ ମାସର ୩ଟି ଶୁକ୍ରବାର ମିଳିବ ୨ ଘଣ୍ଟାର ସ୍ପେଶାଲ ଛୁଟି।
ଶୁକ୍ରବାର ସକାଳ ୮ଟା ୪୫ରୁ ୧୦ଟା ୪୫ ମିନିଟ୍ ପର୍ଯ୍ୟନ୍ତ ସେମାନେ ନିଜ ଘରେ ପୂଜା କରି କାର୍ଯ୍ୟାଳୟ ଆସିପାରିବେ। ଏଥିପାଇଁ କାର୍ଯ୍ୟାଳୟରେ ସେମାନଙ୍କୁ କୌଣସି ପ୍ରକାର ବାଧା ଦିଆଯିବ ନାହିଁ ବୋଲି କୁହାଯାଇଛି।
ବିଜ୍ଞପ୍ତି ଅନୁଯାୟୀ, କେବଳ ମହିଳା କର୍ମଚାରୀ ଥିବା କାର୍ଯ୍ୟାଳୟ ପାଇଁ ଏହି ନିୟମ ଲାଗୁ ହେବ। ହେଲେ କାମ ଯେପରି ପ୍ରଭାବିତ ନ ହେବ ସେଥିନିମନ୍ତେ ପାଳି କରି ସମସ୍ତ ମହିଳା କର୍ମଚାରୀଙ୍କୁ ଏହି ଛୁଟି ଦିଆଯିବ। ସେହିପରି ହସ୍ପିଟାଲ, ଥାନା ଓ ଶିକ୍ଷାନୁଷ୍ଠାନ ଆଦି କ୍ଷେତ୍ରରେ ନିୟୋଜିତ ମହିଳାଙ୍କୁ ଏଥିରୁ ବାଦ୍ ଦିଆଯାଇଛି।
ସରକାରଙ୍କ ଏହି ପଦକ୍ଷେପକୁ ବିରୋଧୀ ଡିଏମ୍କେ ସମାଲୋଚନା କରିଛି। ପୁଡ଼ୁଚେରୀ ଲୋକଙ୍କ ଉପରେ ରାଜ୍ୟ ସରକାର ଆରଏସ୍ଏସ୍ ବିଚାରଧାରା ଲଦି ଦେଉଥିବା ଡିଏମ୍କେ ଅଭିଯୋଗ କରିଛି।
Powered by Froala Editor
