ଶ୍ରୀକୃଷ୍ଣଙ୍କ ପ୍ରେମରେ ଏଲ୍ଏଲ୍ବି ଛାତ୍ରୀ, ମୂର୍ତ୍ତି ଧରି ନେଲେ ସାତଫେରା
ଭଗବାନ ଶ୍ରୀକୃଷ୍ଣଙ୍କ ପ୍ରେମରେ ନିମଗ୍ନ ହୋଇଗଲେ ଯୁବତୀ । ଶେଷରେ ସେ ଶ୍ରୀକୃଷ୍ଣଙ୍କୁ ଜୀବନସାଥୀ ରୂପେ ବାଛିଛନ୍ତି । ପୂରା ରୀତିନୀତି ଅନୁଯାୟୀ ସେ ବିବାହ କରିଛନ୍ତି । ଯୁବତୀ ଜଣକ ହେଉଛନ୍ତି ଉତ୍ତରପ୍ରଦେଶର ଅରୌୟା ଜିଲା ନିବାସୀ ରକ୍ଷା ସୋଲାଙ୍କି। ଶ୍ରୀକୃଷ୍ଣଙ୍କ ପ୍ରତିମାକୁ ନିଜ କୋଳରେ ନେଇ ସେ ସାତ ଫେରା ନେଇଥିଲେ ଏବଂ ବିବାହ ସମସ୍ତ ରୀତିନୀତି ଅନୁଯାୟୀ କରାଯାଇଥିଲା।
ରକ୍ଷା ସୋଲାଙ୍କି ଜଣେ ଏଲଏଲବି ଛାତ୍ରୀ। ଝିଅର ଏଭଳି ନିଷ୍ପତ୍ତିକୁ ନେଇ ପରିବାର ଲୋକେ ପ୍ରଥମେ ତାଜୁବ ହୋଇଯାଇଥିଲେ । କିନ୍ତୁ ରକ୍ଷାଙ୍କ ଶ୍ରୀକୃଷ୍ଣଙ୍କ ପ୍ରତି ପ୍ରେମ ଓ ଶ୍ରଦ୍ଧା ଦେଖି ତାଙ୍କ କଥାରେ ରାଜି ହୋଇଥିଲେ । ରକ୍ଷାଙ୍କ ପିତା ରଞ୍ଜିତ ସୋଲାଙ୍କି କହିଛନ୍ତି ଯେ, ଜୁଲାଇ ୨୦୨୨ରେ ଝିଅ ତାଙ୍କ ସହ ବୃନ୍ଦାବନ ଯାଇଥିଲେ। ସେଠାରେ ସେ ଭଗବାନ କୃଷ୍ଣଙ୍କୁ ସବୁକିଛି ବୋଲି ଗ୍ରହଣ କରି ନେଇଥିଲେ। ସେବେଠାରୁ ସେ କୃଷ୍ଣଙ୍କୁ ବିବାହ କରିବାକୁ ସ୍ଥିର କରିଥିଲେ।
Powered by Froala Editor
