ମାଡ଼ିଗଲା କାର୍, ୪ ମୃତ
ନୂଆଦିଲ୍ଲୀ: ଦ୍ରୁତ ଗତିରେ ଆସୁଥିବା ଏକ କାର୍ ପରିବାରର ସମସ୍ତ ୪ ସଦସ୍ୟଙ୍କ ଉପରେ ମାଡ଼ି ଯିବାରୁ ଘଟଣାସ୍ଥଳରେ ସମସ୍ତଙ୍କ ମୃତ୍ୟୁ ହୋଇଛି।ଏପରି ମର୍ମନ୍ତୁଦ ଦୁର୍ଘଟଣା ଗତକାଲି ଉତ୍ତରପ୍ରଦେଶର ବାରଣାସୀର ସିଂହପୁର ଫ୍ଲାଇଓଭର ନିକଟରେ ଘଟିଛି । ମୃତକଙ୍କ ମଧ୍ୟରେ ପତିପତ୍ନୀ, ସେମାନଙ୍କ ୩ ବର୍ଷ ଓ ୩ ମାସର ୨ ଝିଅ ଅଛନ୍ତି। ଦୁର୍ଘଟଣା ଘଟାଇଥିବା କାର୍ରେ ଥିବା ୪ ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି।
ପରିବାରର ୪ ସଦସ୍ୟ ଫ୍ଲାଏଓଭର ନିକଟ ରାସ୍ତା ପାର୍ଶ୍ୱରେ ଛିଡ଼ା ହୋଇଥିବା ବେଳେ ଦ୍ରୁତ ଗତିରେ ଆସୁଥିବା ଗାଡ଼ିଟି ଆଖି ପିଛୁଳାକେ ସେମାନଙ୍କ ଉପରେ ଚଢ଼ି ଯାଇଥିଲା। ଏହାପରେ କାର୍ଟି ରାସ୍ତା ତଳକୁ ଖସି ଓଲଟି ପଡ଼ିଥିଲା।କାର୍ରେ ଥିବା ଡ୍ରାଇଭରଙ୍କ ସମେତ ୪ ଜଣ ଗୁରୁତର ହୋଇଛନ୍ତି।
Powered by Froala Editor
