ସୂର୍ଯ୍ୟଗଡ ପ୍ୟାଲେସରେ ସରିଲା କିଆରା-ସିଦ୍ଧାର୍ଥଙ୍କ ବିବାହ
ପ୍ରେମ ସପ୍ତାହ ଆରମ୍ଭରେ ବଲିଉଡ଼ର ଲୋକପ୍ରିୟ ଯୋଡ଼ି କିଆରା ଆଡ଼ଭାନୀ ଓ ସିଦ୍ଧାର୍ଥ ମାଲହୋତ୍ରାଙ୍କ ବିବାହ ସରିଛି । ଦୁହେଁ ମଙ୍ଗଳବାର ବିବାହ ବନ୍ଧନରେ ଆବଦ୍ଧ ହୋଇଛନ୍ତି। କଡ଼ା ସୁରକ୍ଷା ବ୍ୟବସ୍ଥା କାରଣରୁ ଏହି ଯୋଡ଼ିଙ୍କ ବିବାହ ସମାରୋହର କୌଣସି ଫଟୋ ସାମ୍ନାକୁ ଆସି ନଥିଲା। କିନ୍ତୁ ପରେ କିଆରା ଓ ସିଦ୍ଧାର୍ଥଙ୍କ ବାହାଘର ଫଟୋ ସାମ୍ନାକୁ ଆସିଥିଲା, ଯେଉଁଥିରେ ଉଭୟଙ୍କ ଆକର୍ଷଣୀୟ ଲୁକ୍ ଦେଖିବାକୁ ମିଳିଛି। ଅପରପକ୍ଷେ, ବିବାହ ଫଟୋ ସାମ୍ନାକୁ ଆସିବା ମାତ୍ରେ ଏହି ନବ ବିବାହିତ ଦମ୍ପତିଙ୍କୁ ଶୁଭେଚ୍ଛାର ସୁଅ ଛୁଟିଛି।
ରାଜସ୍ଥାନ ଜୈସଲମେରର ସୂର୍ଯ୍ୟଗଡ ପ୍ୟାଲେସରେ ରାଜକୀୟ ଅନ୍ଦାଜରେ ସରିଛି ଏହି ହାଇ ପ୍ରୋଫାଇଲ ବାହାଘର। ମେହନ୍ଦି ଓ ହଲଦୀ ପରେ ବିବାହ ବି ଖୁବ ଧୂମଧାମରେ ହୋଇଛି। ଉଭୟ କିଆରା ଓ ସିଦ୍ଧାର୍ଥ ନିଜ ଇନ୍ଷ୍ଟାଗ୍ରାମରେ ବିବାହ ବେଳର ଫଟୋ ଶେଆର କରିଥିବା ବେଳେ ଖୁବ୍ ସୁନ୍ଦର କ୍ୟାପସନ ବି ଦେଇଛନ୍ତି ।
‘ଏବେ ଆମର ପରମାନେଣ୍ଟ ବୁକିଂ ହୋଇଗଲା’ ବୋଲି ଉଭୟ କ୍ୟାପସନ୍ ଦେଇଥିବା ବେଳେ ଏହାକୁ ଫ୍ୟାନ୍ସ ଖୁବ୍ ପସନ୍ଦ କରିଛନ୍ତି। ସେମାନଙ୍କ ଏହି ଯାତ୍ରାରେ ସମସ୍ତଙ୍କ ଆଶୀର୍ବାଦ ଓ ଭଲପାଇବା ଲୋଡିଛନ୍ତି କିଆରା।
Powered by Froala Editor
