ହୁଇ କା ୟାନଙ୍କୁ ଚୀନରେ ଜୁ ଜିୟାୟିନ ନାମରେ ସମସ୍ତେ ଜାଣନ୍ତି । ସେ କମ୍ପାନୀକୁ ଋଣମୁକ୍ତ କରିବା ପାଇଁ ନିଜ ସମ୍ପତ୍ତିକୁ ବାଜି ଲଗାଇ ଦେଇଥିଲେ । ଏଥିପାଇଁ ନିଜ କୋଠା ସହ ଘରୋଇ ଜେଟ ପର୍ଯ୍ୟନ୍ତ ତାଙ୍କୁ ବିକ୍ରି କରିବାକୁ ପଡିିଛି । ତଥାପି ସେ ଋଣ ମୁକ୍ତ ହୋଇପାରି ନାହାନ୍ତି । ବ୍ଲୁମବର୍ଗ ବିଲିୟନେୟାର ଇଣ୍ଡେକ୍ସ ଅନୁଯାୟୀ, ହୁଇ କା ୟାନଙ୍କ ସମ୍ପତ୍ତି ଗତ ୫ ବର୍ଷରେ  ୯୩ ପ୍ରତିଶତ ହ୍ରାସ ପାଇ ୩୯ ବିଲିୟନ ଡଲାର କିମ୍ବା ୩.୧୨ ଲକ୍ଷ କୋଟି ଟଙ୍କାରେ ପହଞ୍ଚିଛି।

ୟାନଙ୍କ ମୋଟ ସଂପତ୍ତି ପରିମାଣ ୨୦୧୭ ରେ ପ୍ରାୟ ୪୨ ବିଲିୟନ ଡଲାର ଥିଲା, ଯାହା ଏବେ ମାତ୍ର ୩ ବିଲିୟନ ଡଲାରକୁ ଖସି ଆସିଛି । ତାଙ୍କ ରିଅଲ ଇଷ୍ଟେଟ୍ କମ୍ପାନି ଏଭରଗ୍ରାଣ୍ଡେଙ୍କୁ ୩୦୦ ବିଲିୟନ ଡଲାର ଋଣ ପରିଶୋଧ କରିବାକୁ ପଡିବ । କମ୍ପାନୀକୁ ବଞ୍ଚାଇବା ଏବଂ ଋଣ ପରିଶୋଧ କରିବା ପାଇଁ ସେ ତାଙ୍କ ବ୍ୟକ୍ତିଗତ ସଂପତ୍ତି, ଘର ଏବଂ ଘରୋଇ ଜେଟ୍ ମଧ୍ୟ ବିକ୍ରି କରିଦେଇଛନ୍ତି । ଏହା ସତ୍ତ୍ବେ ତାଙ୍କର ଋଣ ପରିଶୋଧ ହୋଇପାରି ନାହିଁ ।

କମ୍ପାନୀର ଏପରି ଅବସ୍ଥା ଦେଖି ଅର୍ଥନୀତିଜ୍ଞଙ୍କ ଚିନ୍ତା ବଢି ଯାଇଛି । ଏହି କମ୍ପାନୀ ଡୁବିବା ଅବସ୍ଥାକୁ ଆସିବା ପରେ ଚୀନର ପ୍ରପର୍ଟି ମାର୍କେଟରେ ବିପଦ ସୃଷ୍ଟି ହୋଇପାରେ । କାରଣ ଚୀନରେ ଜିଡିପିରେ ରିୟଲ ଇଷ୍ଟେଟ ଏବଂ ଏଥିସହିତ ଜଡିତ ଇଣ୍ଡଷ୍ଟ୍ରିର ୩୦ ପ୍ରତିଶତ ଭାଗିଦାରୀ ଥିଲା ।

Powered by Froala Editor