ଚକୁଡି ଦେଲେ ହାତୀପଲ, ଚାଲିଗଲା ଜଣଙ୍କ ଜୀବନ
ନବରଙ୍ଗପୁର,: ହାତୀ ପଲ ଦଳି ଦେବାରୁ ଚାଲିଗଲା ଜଣଙ୍କର ଜୀବନ। ଏଭଳି ଅଭାବନୀୟଘଟଣା ଘଟିଛି ଛତିଶଗଡ ସୀମାନ୍ତ ରାଇଘର ବ୍ଲକ ହାଟଭରଣ୍ଡି ପଂଚାୟତର ଜଙ୍ଗଲଗ୍ରାମ ସିଉନା ଗ୍ରାମରେ । ମୃତକ ହେଉଛନ୍ତି, ତେଜୁଗଣ୍ଡ। ହାତୀପଲ ତେଜୁଙ୍କ ଉପରେ ଚକୁଡି ଚାଲିଯିବାରୁ ତାଙ୍କର ମୃତ୍ୟୁ ହୋଇଛି।
ତେଜୁଙ୍କ ଶରୀର ଅଧିକାଂଶ ଅଂଶ ମାଟିତଳେ ପୋତି ହୋଇଥିବା ଜଣାପଡିଛି । ଏହି ଘଟଣା ବିଳମ୍ବିତ ରାତିରେ ଘଟିଛି ନାଁ ଆଜି ଭୋରରୁ ହାତୀ ପୋଲ ଛତିଶଗଡ ବାସସ୍ଥଳିକୁ ଫେରିବା ବେଳର ତାହା ସ୍ପଷ୍ଟ ହୋଇନାହିଁ। ଘଟଣା ସ୍ଥଳକୁ ବନବିଭାଗ କର୍ମଚାରୀ ଯାଇଥିବା ଏସିଏଫ ଧନୁର୍ଜ୍ୟୟ ମହାପାତ୍ର କହିଛନ୍ତି।
ସୂଚନାଯୋଗ୍ୟ, ଦୀର୍ଘ ଦିନଧରି ନିୟମିତ ଛତିଶଗଡ ଉଦନ୍ତୀ ଅଭୟାରଣ୍ୟରୁ ହାତୀ ପୋଲ ବାହାରି ଓଡିଶା ସୀମାନ୍ତ ରାଇଘର ବ୍ଲକର ସଂରକ୍ଷିତ ଜଙ୍ଗଲ ଭିତରକୁ ପସୁଛନ୍ତି । ଏହି ହାତୀ ପୋଲରେ ୨୦ରୁ ୨୫ ହାତୀ ସନ୍ଧ୍ୟା ହେଲେ ଛତିଶଗଡରୁ ବାହାରି ଓଡିଶାରେ ପସୁଛନ୍ତି। ଜଙ୍ଗଲ ଅଂଚଳରେ ଧାନ, ମକା ଫସଲ ଖାଇବା ଲାଗି ଚିଲିଆସୁଛନ୍ତି। ଫସଲକୁ ଜଗିବାକୁ ଛୋଟଛୋଟ କୁଡିଆ ଗୁଡିକକୁ ଭାଙ୍ଗି ନଷ୍ଟ କରି ଫସଲର ବ୍ୟାପକ କ୍ଷତି କରୁଥିବା ନୀତିଦିନିଆ ଘଟଣା ହୋଇଥିବା ବେଳେ ପ୍ରଥମ ଥର ପାଇଁ ହାତୀ ପୋଲ ମଣିଷର ଜୀବନ ନେଇଛନ୍ତି ।
Powered by Froala Editor
