ଦମ୍ଦାର ଭୂମିକାରେ ନଜର ଆସିବେ ଶ୍ରଦ୍ଧା
ମୁମ୍ବାଇ: ଶ୍ରଦ୍ଧା କପୁର୍ ଫ୍ୟାନ୍ଙ୍କ ଲାଗି ଖୁସି ଖବର । ଖୁବ୍ଶୀଘ୍ର ଶ୍ରଦ୍ଧା ଏକ ଦମ୍ଦାର୍ ଭୂମିକାରେ ନଜର ଆସିବେ । ନିକଟରେ ଏହି ପ୍ରୋଜେକ୍ଟ କାମ ଆରମ୍ଭ କରିବେ । ଶ୍ରଦ୍ଧା କରିଥିବା ସବୁ ଫିଲ୍ମ ଅପେକ୍ଷା ଏହି ଚଳଚ୍ଚିତ୍ରର କାହାଣୀ ଭିନ୍ନ ରହିଛି । ଏକ ନୂଆ ଚରିତ୍ରରେ ବି ଦର୍ଶକ ତାଙ୍କୁ ଦେଖିବାକୁ ପାଇବେ । ଜମ୍ମୁ କଶ୍ମୀରର ସାହସୀ ଝିଅ ରୁଖସାର କେଉସରଙ୍କ ଭୂମିକାରେ ଶ୍ରଦ୍ଧା ଅଭିନୟ କରିବେ । ୨୦୦୯ ସେପ୍ଟେମ୍ବରରେ ଜମ୍ମୁ କଶ୍ମୀରରେ ଲକ୍ସର-ଇ-ତୋଇବାର ଆତଙ୍କବାଦୀଙ୍କୁ ମାରିଥିବା ରୁଖସାର କଉସରଙ୍କ ଭୂମିକାରେ ବଲିଉଡ୍ର ଏହି ସୁନ୍ଦରୀ ଅଭିନୟ କରିବେ । ରୁଖସାରଙ୍କ ଚରିତ୍ର ପାଇଁ କମ୍ ବୟସ୍କ ଦେଖାଯାଉଥିବା ଜଣେ ନାୟିକାଙ୍କ ଆବଶ୍ୟକତା ଥିବାବେଳେ ଏଥିଲାଗି ଶ୍ରଦ୍ଧା ପୂରା ଫିଟ୍ ବୋଲି କୁହାଯାଉଛି । ତେବେ ଏହି ଫିଲ୍ମ ଟାଇଟଲ ବର୍ତମାନ ସୁଦ୍ଧା ଫାଇନାଲ ହୋଇନାହିଁ । ଖୁବ୍ଶୀଘ୍ର ଫିଲ୍ମର ଟାଇଟଲ୍ ଘୋଷଣା କରାଯିବ ବୋଲି ପ୍ରଯୋଜନା ସଂସ୍ଥା ପକ୍ଷରୁ ସୂଚନା ଦିଆଯାଇଛି ।
ଉଲ୍ଲେଖଯୋଗ୍ୟ, କେତେଜଣ ଆତଙ୍କବାଦୀ ରୁଖସାରଙ୍କ ଘରେ ଲୁଚିବା ପାଇଁ ଆଶ୍ରୟ ଖୋଜୁଥିବାବେଳେ ରୁଖସାର ଏବଂ ତାଙ୍କ ଭାଇ ମିଶି ଆତଙ୍କବାଦୀଙ୍କୁ ସେମାନଙ୍କ ଗୁଳିରେ ହତ୍ୟା କରିଥିଲେ । ଏହି ଘଟଣା ସେତେବେଳେ ସାରା ଦେଶରେ ଚହଳ ପକାଇ ଥିଲା । ଏବେ ଏହି ବାସ୍ତବ କାହାଣୀକୁ ନେଇ ଫିଲ୍ମ କରିବାକୁ ନିଷ୍ପତ୍ତି ନିଆଯାଇଥିବା ବେଳେ ଶ୍ରଦ୍ଧା ଏଥିପାଇଁ ଖୁବ୍ ଉତ୍ସାହିତ ବୋଲି ଏକ ସାକ୍ଷାତକାରରେ କହିଛନ୍ତି ।
Powered by Froala Editor
