ମାଲ୍ଗାଡି ଦୁର୍ଘଟଣାଗ୍ରସ୍ତ : ଧାରଣାଚ୍ୟୁତ ହେଲା ୫୩ ୱାଗନ
ଝାଡଖଣ୍ଡର କୋଡର୍ମା ନିକଟରେ ବଡ ଦୁର୍ଘଟଣା ହୋଇଛି। ପୂର୍ବ କେନ୍ଦ୍ରୀୟ ରେଳବାଇର ଗୟା-ଧାନବାଦ ସେକ୍ସନ୍ରେ କୋଇଲା ନେଇ ଯାଉଥିବା ଗୋଟାଏ ମାଲ୍ଗାଡ଼ିର ୫୮ଟି ୱାଗନ୍ରୁ ୫୩ଟି ୱାଗନ୍ ଧାରଣାଚ୍ୟୁତ ହେବାରୁ ଡଜନାଧିକ ଦୂରଗାମୀ ଯାତ୍ରୀବାହୀ ଟ୍ରେନ୍ଗୁଡ଼ିକର ଗତିପଥ ପରିବର୍ତ୍ତନ କରାଯାଇଛି। ଏହି ପୂରା ଘଟଣାର ଭିଡିଓ ଏବେ ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି।
ସରକାରୀ ଅଧିକାରୀମାନଙ୍କ କହିବା ଅନୁସାରେ, ଏହି ଦୁର୍ଘଟଣାରେ କେହି ମୃତାହତ ହୋଇଥିବା କଥା ହଠାତ୍ ଜଣାପଡ଼ିନାହିଁ। ପାହାଡ଼ିଆ ଅଞ୍ଚଳ ଅତିକ୍ରମ କରୁଥିବା ବେଳେ ବ୍ରେକ୍ କାମ ନ କରିବାରୁ ମାଲ୍ଗାଡ଼ି ଗୋଟାଏ ବିଜୁଳି ଖୁଣ୍ଟରେ ଧକ୍କା ଖାଇବା ପରେ ଧାରଣାଚ୍ୟୁତ ହୋଇଛି। ଏହାକୁ ନେଇ ଷ୍ଟେସନରେ ଆତଙ୍କ ଖେଳିଯାଇଛି। ରେଳ ଷ୍ଟେସନରେ ଉପସ୍ଥିତ ଥିବା କିଛି ଯାତ୍ରୀ ଟ୍ରେନ୍ର ଏଭଳି ଅବସ୍ଥା ଦେଖି ଭୟଭୀତ ହୋଇପଡିଛନ୍ତି।
ସେପଟେ ଟ୍ରେନ୍ ଲାଇନଚ୍ୟୁତ ହେବା ପରେ ଏହି ଲାଇନ୍ରେ ଅପ୍ ଆଣ୍ଡ ଡାଇନ୍ ଟ୍ରେନ୍ ଚଳାଚଳରେ ବାଧା ସୃଷ୍ଟି ହୋଇଛି। ବରବାଡିହ, ଗୟା, ନେସୁଚବୋ ଗୋମୋ ଓ ଧାନବାଦର ଏକ ଅଧିକାରୀଙ୍କ ଟିମ୍ ଘଟଣାସ୍ଥଳରେ ପହଞ୍ଚିଛି।
Powered by Froala Editor
