ଦୀପ ନିଆଁରେ ଜୀବନ୍ତ ଜଳିଗଲେ ବସ୍ ଡ୍ରାଇଭର ଏବଂ କଣ୍ଡକ୍ଟର
ଦୀପାବଳି ପାଳିବାକୁ ବସରେ ଲଗାଇଥିଲେ ଦୀପ । ଆଉ ଏହି ଦୀପ ହିଁ ଜୀବନ ନେଇଯାଇଛି । ଦୀପରୁ ନିଆଁ ଲାଗି ଦୁଇ ଜଣ ଜୀବନ୍ତ ଦଗ୍ଧ ହୋଇାଯାଇଛନ୍ତି । ଦୀପାବଳି ରାତିରେ ଏହି ଦୁଃଖଦ ଘଟଣା ସାମ୍ନାକୁ ଆସିଛି ଝାରଖଣ୍ଡ ରାଞ୍ଚିରୁ। ସୂଚନା ଅନୁଯାୟୀ, ରାଞ୍ଚି ଲୋୟର ବଜାର ଥାନା ଅଞ୍ଚଳର ଖାଦଗଢ଼ା ବସ୍ ଷ୍ଟାଣ୍ଡ୍ରେ ଘଟିଛି ଏହି ଅଭାବନୀୟ ଘଟଣା । ଏଠାରେ ବସ୍ରେ ଶୋଇଥିବା ଡ୍ରାଇଭର ଏବଂ କଣ୍ଡକ୍ଟରଙ୍କ ନିଆଁ ଲାଗି ମୃତ୍ୟୁ ହୋଇଛି।
ମଙ୍ଗଳବାର ଦିନ ଏ ସମ୍ପର୍କରେ ସୂଚନା ଦେଇ ପୁଲିସ କହିଛି ଯେ, ଏହି ଘଟଣା ରାଜ୍ୟର ସବୁଠାରୁ ବ୍ୟସ୍ତବହୁଳ ବସ୍ ଟର୍ମିନାଲ ଖଡଗଡ଼ାରେ ଘଟିଛି। ମଧ୍ୟରାତ୍ରିରେ ବସ୍ରେ ନିଆଁ ଲାଗିଯାଇଥିଲା ଯେଉଁଥିପାଇଁ ବସ୍ରେ ଥିବା ଡ୍ରାଇଭର ଏବଂ ହେଲପର ଜୀବନ୍ତ ଦଗ୍ଧ ହୋଇଯାଇଥିଲେ । ଗତକାଲି ଦୀପାବଳି ପାଇଁ ଏମାନେ ବସ୍ରେ ଦୀପ ଲଗାଇଥିଲେ, ଏହାପରେ ଶୋଇପଡ଼ିଥିଲେ। ଯାହାପରେ ହଠାତ୍ ନିଆଁ ଲାଗିଯାଇଥିଲା। ସୂଚନା ମିଳିବା ପରେ ଦମକଳ ଟିମ୍ ପହଞ୍ଚିଥଲା କିନ୍ତୁ ସେତେବେଳକୁ ବସ୍ ଜଳି ପାଉଁଶ ହୋଇଯାଇଥିଲା। କୁହାଯାଉଛି ଯେ ଦୁହେଁ ମଦ୍ୟପାନ କରିଥିବାରୁ ବସ ଭିତରେ ହିଁ ଶୋଇପଡ଼ିଥିଲେ ଓ ନିଆଁ ଲାଗିବା ବାବଦରେ ଜାଣିପାରିନଥିଲେ ।
Powered by Froala Editor
