ଜଙ୍ଗଲରେ ଅବକାରୀ ଟିମ୍ ସହ ଗଞ୍ଜେଇ ଚାଲାଣକାରୀଙ୍କ ଛକାପଞ୍ଝା
କଳାହାଣ୍ଡି ସାହାଜଖୋଲ ଜଙ୍ଗଲରୁ ୩ କୁଇଣ୍ଟାଲ ୨୦ କେଜି ଗଞ୍ଜେଇ ଜବତ କରିବା ସହ ଜଣଙ୍କୁ ଗିରଫ କରିଛି ଅବକାରୀ ବିଭାଗ । ସେ ହେଲେ ସାନପୋଡ଼ା ଗ୍ରାମର ଚନ୍ଦନ ପୂଝାରୀ (୩୩)। ପିକ୍ଅପ୍, ଗଞ୍ଜେଇ ସହ ଚନ୍ଦନଙ୍କୁ ଗିରଫ କରି ଜିଲା କାର୍ଯ୍ୟାଳୟକୁ ଅଣାଯାଇଛି।
ଗଞ୍ଜେଇ ଚାଲାଣ ଖବର ପାଇ କଳାହାଣ୍ଡି ଜିଲା ଅବକାରୀ ଟିମ୍ ରାୟଗଡ଼ା-କଳାହାଣ୍ଡି ସୀମାନ୍ତ ଥୁ. ରାମପୁର ଲାଠିଆଗୁଡା ରାସ୍ତାରେ ଶୁକ୍ରବାର ରାତିରେ ଛକି ରହିଥିଲା।
ଏକ ଧଳାରଙ୍ଗର ପିକ୍ଅପ୍ ଭ୍ୟାନ ଆସୁଥିବା ବେଳେ ଅବକାରୀ ଟିମ୍କୁ ଦେଖି ଦ୍ରୁତଗତିରେ ଫେରାର ହୋଇଯାଇଥିଲା। ହେଲେ ଗାଡି ଆମପାଣି ବିଜୁ ଏକ୍ସପ୍ରେସୱେ ଦେଇ ଯାଉଥିବା ବେଳେ ଘଣ୍ଟିଗୁଡା ନିକଟରେ ପୂର୍ବରୁ ଧର୍ମଗଡ଼ ଅବକାରୀ କର୍ମଚାରୀ ଜଗି ରହିଥିବା ଦେଖି ଡ୍ରାଇଭର ଘଣ୍ଟିଗୁଡା ଦେଇ ସାହାଜଖୋଲ ଜଙ୍ଗଲ ଡୋକାରିଚଞ୍ଚରା ପଟେ ଯାଇ ଗଞ୍ଜେଇ ବସ୍ତା ଗୁଡିକୁ ଜଙ୍ଗଲ ରାସ୍ତାରେ ଫିଙ୍ଗି ଦେଇଥିଲେ। ଏପରିକି ଗାଡିଟି ଏକ ପଥରରେ ପିଟି ହୋଇ ରହିଯିବାରୁ ଗଞ୍ଜେଇ ଚାଲାଣ କାରୀମାନେ ଜଙ୍ଗଲ ରାସ୍ତା ଦେଇ ଫେରାର ମାରିଥିଲେ। ହେଲେ ଅବକାରୀ କର୍ମଚାରୀଙ୍କ ଜଣଙ୍କୁ ଧରିବାରେ ସଫଳ ହୋଇଥିଲେ।
Powered by Froala Editor
