ଗୁଳି ମାଡ଼ରେ ଆଇଏସ୍ଆଇ ଏଜେଣ୍ଟ ନିହତ
ପାକିସ୍ତାନର ଗୋଇନ୍ଦା ସଂସ୍ଥା ଆଇଏସଆଇ ସହ ସମ୍ପୃକ୍ତ ଥିବା ଜଣେ ବ୍ୟକ୍ତି ଦୁର୍ବୃତଙ୍କ ଗୁଳି ମାଡ଼ରେ ନିହତ ହୋଇଛି। ବ୍ୟକ୍ତି ଜଣକ ହେଲେ ଲାଲ୍ ମହମ୍ମଦ ଓରଫ୍ ମହମ୍ମଦ ଦରଜି(୫୫) । ଭାରତକୁ ବିପୁଳ ସଂଖ୍ୟାରେ ନକଲି ନୋଟ ପଠାଉଥିବା ପାକିସ୍ତାନ ଇଣ୍ଟର-ସର୍ଭିସ୍ ଇଣ୍ଟେଲିଜେନ୍ସ(ଆଇଏସ୍ଆଇ) ଏଜେଣ୍ଟ ଲାଲ୍ ମହମ୍ମଦ ଓରଫ୍ ମହମ୍ମଦ ଦରଜି ଗତ ୧୯ ତାରିଖରେ ନେପାଳରେ ନିହତ ହୋଇଛନ୍ତି। କେତେଜଣ ଅଚିହ୍ନା ଦୁର୍ବୃତ୍ତ ତାଙ୍କୁ ଗୁଳି କରୁଥିବା ସିସିଟିଭି ଫୁଟେଜରୁ ଦେଖିବାକୁ ମିଳିଛି।
ଆଇଏସଆଇଠାରୁ ନକଲି ନୋଟ୍ ଆଣି ଭାରତରେ ପ୍ରସାରିତ କରିବାରେ ସେ ଏକ ପ୍ରମୁଖ ଚେହେରା ଥିଲା। ସମ୍ପୃକ୍ତ ଏଜେଣ୍ଟ ନିହତ ହେବାର ଦୃଶ୍ୟ କ୍ୟାମେରାରେ କଏଦ ହୋଇଛି। କେତେକ ଅଜଣା ଦୁର୍ବୃତ୍ତ ତାଙ୍କୁ ହତ୍ୟା କରିଥିବା ଦୃଶ୍ୟ କ୍ୟାମେରାରେ କଏଦ ହୋଇଛି। ମହମ୍ମଦ ଏକ କାର୍ରୁ ଓହ୍ଲାଉଥିବା ବେଳେ ବନ୍ଧୁକଧାରୀ ତାଙ୍କ ଉପରକୁ ଗୁଳି ଚଳାଇଥିଲେ। ସେ ଏଥିରୁ ବର୍ତ୍ତିବା ପାଇଁ କାର୍ରେ ଲୁଚିବାକୁ ଚେଷ୍ଟା କରୁଥିଲେ ହେଁ ଆତତାୟୀମାନେ ଗୁଳି ଫୁଟାଇ ଚାଲିଥିଲେ। ମହମ୍ମଦଙ୍କ ଝିଅ ତାଙ୍କୁ ରକ୍ଷା କରିବା ପାଇଁ ପ୍ରଥମ ମହଲା ଛାତରୁ ତଳକୁ ଡେଇଁଥିଲେ ହେଁ ବାପାଙ୍କୁ ବଞ୍ଚାଇ ପାରି ନ ଥିଲେ। ସେଠାରୁ ସେ ଦୌଡ଼ି ପଳାଇଯିବାରେ ସକ୍ଷମ ହୋଇଥିଲେ।
ଲାଲ ମହମ୍ମଦ ପାକିସ୍ତାନ, ବଂଲାଦେଶ, ନେପାଳ ଆଦି ଦେଶରୁ ନକଲି ନୋଟି ଆଣି ଭାରତରେ ପ୍ରସାରଣ କରୁଥିଲା। ଲାଲ ମହମ୍ମଦ ଆଇଏସଆଇଠାରୁ ଲଜିଷ୍ଟିକ ସମର୍ଥନ ପାଉଥିଲା। ଏପରିକି କୁଖ୍ୟାତ ଆତଙ୍କବାଦୀ ଦାଉଦ ଇବ୍ରାହିମ ସହ ଲାଲ ମହମ୍ମଦର ସମ୍ପର୍କ ଥିଲା।
Powered by Froala Editor
