‘ମହାଭାରତ’ । ଯାହାକୁ ଆମେ ୯୦ ଦଶକରେ ଟେଲିଭିଜନ ଜରିଆରେ ଦେଖିଥିଲେ । ତାପରେ ବହୁ ଫର୍ମରେ ଆଉ ବହୁ ଚ୍ୟାନେଲରେ ଭିନ୍ନ ଭିନ୍ନ ଭାଷାରେ ଦେଖିଛେ । କିନ୍ତୁ ମହାଭାରତ ଦେଖିବାକୁ ଦର୍ଶକଙ୍କ ଭିତରେ ସେତିକି ଆଗ୍ରହ ରହିଛି । ତେଣୁ ଫିଲ୍କ ଓ ସିରିଏଲ ପରେ ଏବେ ଓଟିଟି ପ୍ଲାଟଫର୍ମରେ ଆସିବ ମହାଭାରତର ୱେବସିରିଜ । ହଁ ଏହା ସତ । ପ୍ରଯୋଜକ ମଧୁ ମଣ୍ଟେନା ମହାକାବ୍ୟ ମହାଭାରତ ଉପରେ ୱେବସିରିଜ୍‌ ନିର୍ମାଣ କରିବାକୁ ଯାଉଛନ୍ତି। ଏହି ସିରିଜ୍ ବହୁତ ବଡ଼ ଆକାରରେ ତିଆରି ହେବ, ଯାହାର କିଛି ଫଟୋ ମଧ୍ୟ ସାମ୍ନାକୁ ଆସିଛି।

ଏବେ ଆମେରିକାର ଅନାହିମ୍ ସହରରେ D23 Expo ଆୟୋଜିତ ହେଉଛି, ଯେଉଁଥିରେ କି ଓଟିଟି ପ୍ଲାଟଫର୍ମ ଡିଜ୍ନୀ ପ୍ଲସ୍‌ ହଟଷ୍ଟାରର ଅନେକ ପ୍ରୋଜେକ୍ଟ ଘୋଷଣା କରାଯାଇଛି। ସେହି ପ୍ରୋଜେକ୍ଟଗୁଡ଼ିକ ମଧ୍ୟରେ ମହାଭାରତ ମଧ୍ୟ ସାମିଲ ଅଛି। ବଡ଼ ପରଦା ଏବଂ ଟିଭି ପରେ, ବର୍ତ୍ତମାନ ମହାଭାରତକୁ ଡିଜ୍ନୀ ପ୍ଲସ୍ ହଟଷ୍ଟାର ମାଧ୍ୟମରେ ଏକ ୱେବ୍ ସିରିଜ୍ ଭାବରେ ମଧ୍ୟ ଦେଖିବାକୁ ମିଳିବ।

ମିଳିଥିବା ସୂଚନା ମୁତାବକ, ଏହାର ସ୍କ୍ରିପ୍ଟ, ସଂଳାପ ଇତ୍ୟାଦି ଲେଖାସରିଛି ଏବଂ କଳାକାରଙ୍କ ଅନୁସନ୍ଧାନ ଚାଲିଛି, ଯାହାକି ଶୀଘ୍ର ଶେଷ ହେବ। ମହାଭାରତ ୱେବ୍ ସିରିଜର ଭିଜୁଆଲ୍ ଦେଖି ଜଣାପଡ଼ୁଛି ଯେ, ଏହା ବହୁତ ବଡ ଆକାରରେ ତିଆରି ହେବ। ୱେବ୍ ସିରିଜର ଏହି ଫଟୋଗୁଡ଼ିକରେ ଯୁଦ୍ଧଠାରୁ ଆରମ୍ଭ କରି ମହାଭାରତ ଯୁଗର ପ୍ରାସାଦର ଭବ୍ୟତା ସୁନ୍ଦର ଭାବେ ପ୍ରଦର୍ଶିତ କରାଯାଇଛି।

Powered by Froala Editor