ଟାଟାର ପୂର୍ବତନ ଅଧ୍ୟକ୍ଷଙ୍କ ପରଲୋକ
ମୁମ୍ବାଇ : ଦୁର୍ଘଟଣାରେ ଟାଟାର ପୂର୍ବତନ ଅଧ୍ୟକ୍ଷ ସାଇରସ ମିସ୍ତ୍ରୀଙ୍କର ପରଲୋକ ହୋଇଯାଇଛି । ମୃତ୍ୟୁବେଳକୁ ତାଙ୍କୁ ୫୪ ବର୍ଷ ବୟସ ହୋଇଥିଲା । ପାଲଘର ନିକଟରେ ତାଙ୍କର ଦୁର୍ଘଟଣା ହୋଇଥିଲା । ତାଙ୍କ କାରରେ ୪ ଜଣ ଥିଲେ । ଦୁର୍ଘଟଣାରେ ୨ ଜଣଙ୍କର ମୃତ୍ୟୁ ହୋଇଥିବାବେଳେ ୨ ଜଣ ଗୁରୁତର ହୋଇଛନ୍ତି । ପାଲଘର ଏସପି ସାଇରସ ମିସ୍ତ୍ରୀଙ୍କର ମୃତ୍ୟୁ ହୋଇଥିବା ନେଇ ସ୍ପଷ୍ଟ କରିଛନ୍ତି । ତେବେ ଦୁର୍ଘଟଣା ସଂକ୍ରାନ୍ତରେ ସବିଶେଷ ତଥ୍ୟ ମିଳିପାରିନାହିଁ ।
ଆଜି ଦିନ ୩ଟା ୧୫ରେ ଦୁର୍ଘଟଣା ହୋଇଥିଲା । ମର୍ସିଡିଜ କାରରେ ସେ ଅହମ୍ମଦାବାଦରୁ ମୁମ୍ବାଇ ଯାଉଥିଲେ । ତେବେ ସୂର୍ୟ୍ୟ ନଦୀ ପୋଲ ନିକଟରେ ତାଙ୍କ ଗାଡ଼ି ଦୁର୍ଘଟଣାଗ୍ରସ୍ତ ହୋଇଥିଲା । ଆହତମାନଙ୍କୁ ଗୁଜୁରାତର ଏକ ହସପିଟାଲରେ ଭର୍ତି କରାଯାଇଛି । ୨୦୧୨ରେ ରତନ ଟାଟାଙ୍କର ପରଲୋକ ହେବା ପରେ ସେ ଟାଟା ଗ୍ରୁପର ଅଧ୍ୟକ୍ଷ ହୋଇଥିଲେ ।
Powered by Froala Editor
