ପରିବାର ଲୋକଙ୍କୁ ଅଟକାଇବା ପାଇଁ ବିମାନରେ ବମ୍ ଅଛି ବୋଲି କହିଲା ଯୁବକ...
ଜଣେ ବ୍ୟକ୍ତି ତାଙ୍କ ପରିବାରକୁ ବିଦେଶ ଯିବାକୁ ରୋକିବା ପାଇଁ ଶନିବାର ଦୁବାଇ ଅଭିମୁଖେ ଯାଉଥିବା ଏକ ଇଣ୍ଡିଗୋ ବିମାନକୁ ଉଡ଼ାଇ ଦେବେ ବୋଲି ଧମକ ଦେଇଥିଲେ। ହେଲେ କୌଣସି ବିସ୍ଫୋରକ ସାମଗ୍ରୀ ମିଲିନଥିଲା। ପରେ ଜଣାପଡ଼ିଲା ଯେ ଏହି ଫୋନ୍ କଲଟି ଫେକ୍ ଥିଲା। ଜଣେ ମଦ୍ୟପ ଏଭଳି କାରନାମା ଘଟାଇଥିଲେ। ନିଜର ପରିବାରର ଦୁଇ ଜଣ ସଦସ୍ୟଙ୍କୁ ବିଦେଶ ଯିବାକୁ ନଦେବାକୁ ସେ ଏଭଳି ଏକ ଯୋଜନା କରିଥିଲେ। ପୁଲିସ ସମ୍ପୃକ୍ତ ଅଭିଯୁକ୍ତଙ୍କୁ ଗିରଫ କରିଛି। ଅନ୍ୟପଟେ ସର୍ଚ୍ଚ ଅପରେଶନ ଯୋଗୁ ବହୁ ବିଳମ୍ବରେ ଇଣ୍ଡିଗୋ ବିମାନଟି ଗନ୍ତବ୍ୟସ୍ଥଳ ଅଭିମୁଖେ ଯାତ୍ରା କରିଥିଲା।
ସୂଚନା ଅନୁଯାୟୀ, ଗିରଫ ଅଭିଯୁକ୍ତ ଜଣକ ଚେନ୍ନାଇରେ ରହନ୍ତି। ତାଙ୍କର ସମ୍ପର୍କୀୟମାନେ ଦୁବାଇ ବାହାରିଥିଲେ। ହେଲେ ସେମାନଙ୍କୁ ଅଟକାଇ ପାଇଁ ବ୍ୟକ୍ତି ଜଣକ ଚାହୁଁଥିଲେ। ତେଣୁ ଉପରୋକ୍ତ ଉପାୟ ପାଞ୍ଚିଥିଲେ। ତେବେ ବ୍ୟକ୍ତି ଜଣକ ଜେରା ବେଳେ ସେ ପୁଲିସ୍ ଆଗରେ ସବୁ କଥା କହିଥିଲା। ବିମାନଟି ସକାଳ ୭.୨୦ରେ ଦୁବାଇ ଅଭିମୁଖେ ଯାତ୍ରା କରିବାର ଥିଲା। ହେଲେ ଯାଞ୍ଚ ପାଇଁ ସମୟ ଲାଗିବାରୁ ବିମାନଟି ବିଳମ୍ବରେ ଉଡ଼ାଣ କରିଥିଲା।
Powered by Froala Editor
