ବିଜେପି ନେତ୍ରୀ ସୋନାଲି ଫୋଗଟ ମୃତ୍ୟୁ ଘଟଣାରେ ଗୋଆ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଏହି ଘଟଣାରେ ପୋଲିସ ଦୁଇ ଜଣଙ୍କୁ ଗିରଫ କରିଛି। ଗିରଫ ଅଭିଯୁକ୍ତ ହେଲେ ତାଙ୍କ ବ୍ୟକ୍ତିଗତ ସହାୟକ ସୁଧୀର ସାଙ୍ଗୱାନ ଏବଂ ସୁଖବିନ୍ଦର ଭାସି। ସୁଧିର ସାଗୱାନ ସୋନାଲି ଫୋଗଟ୍‌ଙ୍କ ବ୍ୟକ୍ତିଗତ ସହାୟକ ହୋଇଥିବା ବେଳେ ସେ ତାଙ୍କୁ ଡାକ୍ତରଖାନାକୁ ନେଇଥିଲେ। ସୋନାଲିଙ୍କ ମୃତଦେହକୁ ଗୁରୁବାର ବ୍ୟବଚ୍ଛେଦ କରାଯାଇଛି। କିନ୍ତୁ ବ୍ୟବଚ୍ଛେଦ ରିପୋର୍ଟରେ ଚମକାଇଦେବା ଭଳି ତଥ୍ୟ ସାମ୍ନାକୁ ଆସିଛି। ସୋନାଲିଙ୍କ ଶରୀରରେ ଆଘାତ ହୋଇଥିବାର ଚିହ୍ନ ରହିଥିଲା। ଏହା ପରେ ସୁଧୀର ସାଙ୍ଗୱାନ ଏବଂ ସୁଖବିନ୍ଦର ଭାସିଙ୍କ ବିରୋଧରେ ହତ୍ୟା ମାମଲା ରୁଜୁ ହୋଇଥିଲା। ପୁଲିସ ଉଭୟଙ୍କୁ ପଚରାଉଚରା କରିବା ପରେ ଗିରଫ କରିଛି।

ସୋନାଲି ଫୋଗଟଙ୍କୁ ପୂର୍ବ ଯୋଜନା ଅନୁଯାୟୀ ହତ୍ୟା କରାଯାଇଥିବା ତାଙ୍କ ଭାଇ ରିଙ୍କୁ ଅଭିଯୋଗ କରିଥିଲେ । ସୋନାଲିଙ୍କ ମୃତ୍ୟୁ ପାଇଁ ତାଙ୍କ ପିଏ ସୁଧୀର ସାଙ୍ଗୱାନଙ୍କୁ ସେ ଦାୟୀ କରିଥିଲେ।

ପିଏ ସୁଧୀର ସାଙ୍ଗୱାନ ଓ ତାଙ୍କ ବନ୍ଧୁ ସୁଖବିନ୍ଦର ସୋନାଲିଙ୍କ ଖାଦ୍ୟରେ କିଛି ମିଶାଇ ଦେଇଥିଲେ। କେବଳ ସେତିକି ନୁହେଁ ଏ ଦୁହେଁ ଗତ ତିନି ବର୍ଷ ହେଲା ସୋନାଲିଙ୍କୁ ବ୍ଲାକମେଲ୍‌ କରୁଥିଲେ । ସୋନାଲିଙ୍କୁ ନିଶା ଦେଇ ତାଙ୍କର ଅଶ୍ଳୀଳ ଭିଡିଓ ବନାଇ ଥିଲେ। ଏହି ଭିଡିଓ ଭାଇରାଲ କରିଦେବାକୁ ଧମକ ଦେଇ ବ୍ଲାକମେଲ୍‌ କରୁଥିଲେ ବୋଲି ଭାଇ ରିଙ୍କୁ ଅଭିଯୋଗ ଆଣିବା ସହ ସିବିଆଇ ତଦନ୍ତ ଦାବି କରିଛନ୍ତି।

Powered by Froala Editor