ଗୋଟିଏ ଘରୁ ମିଳିଲା ୬ ମୃତଦେହ
ଶ୍ରୀନଗର: ଗୋଟିଏ ଘରୁ ମିଳିଲା ୬ ଜଣଙ୍କ ମୃତଦେହ । ଘର ଭିତରେ ଗୋଟିଏ ପରିବାରର ୬ ଜଣଙ୍କ ମୃତଦେହ ଠାବ ହୋଇଛି । ଜମ୍ମୁ ଅନ୍ତର୍ଗତ ସିଧ୍ରା ଅଞ୍ଚଳରୁ ଏହି ଆଶ୍ଚର୍ୟ୍ୟ କଲାଭଳି ଘଟଣା ସାମ୍ନାକୁ ଆସିଛି । ଆଜି ସକାଳେ ସମସ୍ତଙ୍କ ମୃତଦେହ ଉଦ୍ଧାର କରାଯାଇଛି । ମୃତକଙ୍କ ମଧ୍ୟରେ ଦୁଇ ଜଣ ମହିଳା ଓ ୪ ଜଣ ପୁରୁଷ ରହିଛନ୍ତି । ତେବେ ସେମାନଙ୍କୁ କେହି ହତ୍ୟା କରିଛନ୍ତି ନା ଏହା ଆତ୍ମହତ୍ୟା, ତାହା ଏ ଯାଏଁ ସ୍ପଷ୍ଟ ହୋଇନି । ସୂଚନା ପାଇବା ମାତ୍ରେ ପୋଲିସ ଟିମ୍ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଛି ଏବଂ ଜମ୍ମୁ ମେଡିକାଲ କଲେଜକୁ ବ୍ୟବଚ୍ଛେଦ ପାଇଁ ପଠାଇଛି ।
ମୃତକମାନେ ହେଲେ ନୂର ଉଲ୍ ହବିବ୍, ସକିନା ବେଗମ୍, ସାଜଦ ଅହମ୍ମଦ, ନାସୀମା ଅଖତର, ରୁବିନା ବାନୋ ଏବଂ ଜାଫର ସଲିମ । ଘର ଭିତରୁ ସନ୍ଦେହଜନକ ଭାବେ ସମସ୍ତଙ୍କ ମୃତଦେହ ଉଦ୍ଧାର ହୋଇଛି । ଏହି ଘଟଣା ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି ।
Powered by Froala Editor
