ସାମ୍ବାଦିକଙ୍କୁ ପ୍ରେସ୍ ଗ୍ୟାଲେରୀକୁ ଛାଡ଼ିବାକୁ ଦାବି
ଭୁବନେଶ୍ଵର : ଶୂନ୍ୟକାଳରେ ଉଠିଲା ସାମ୍ବାଦିକଙ୍କୁ ପ୍ରେସ୍ ଗ୍ୟାଲେରୀକୁ ଯିବାକୁ ଅନୁମତି ମିଳିବା ପ୍ରସଙ୍ଗ। ଏନେଇ ବିରୋଧୀ ଦଳ ମୁଖ୍ୟ ସଚେତକ ମୋହନ ମାଝୀ କହିଛନ୍ତି ଯେ, ଅନ୍ୟ ରାଜ୍ୟରେ ବିଧାନସଭା ସ୍ଵାଭାବିକ ହେଲା। ସଂସଦ ବି ସ୍ଵାଭାବିକ ହେଲାଣି। ଲକ୍ଷ ଲକ୍ଷ ଲୋକଙ୍କୁ ନେଇ ରଥଯାତ୍ରା ବି ଶୃଙ୍ଖଳିତ ଭାବେ ହେଲା। ସାମ୍ବାଦିକ ନ ଆସିବା ଦ୍ଵାରା କେଉଁ ସଦସ୍ୟ କେଉଁ ପ୍ରସଙ୍ଗ ଉଠାଉଛନ୍ତି ଜଣାପଡୁନି। ଭୁଲ୍ ନ୍ୟୁଜ୍ ଯାଉଛି।
ସେହିପରି ବିଧାୟକ ଜୟନାରାୟଣ ମିଶ୍ର କହିଛନ୍ତି ଯେ, ମହାରାଷ୍ଟ୍ର ପରି ରାଜ୍ୟରେ ସଂକ୍ରମଣ ଅଧିକ ରହୁଥିଲେ ବି ସେଠାରେ ଗୃହ କାର୍ୟ୍ୟ ସ୍ଵାଭାବିକ ଚାଲୁଛି। ତେଣୁ ଓଡ଼ିଶାରେ ସ୍ଵାଭାବିକ କରାଯାଉ। କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜା ବି ସାମ୍ବାଦିକଙ୍କୁ ପ୍ରେସ୍ ଗ୍ୟାଲେରୀକୁ ଛାଡ଼ିବାକୁ ଦାବି କରିଛନ୍ତି। ଏହା ସହ ବିଧାୟକମାନେ ଅନ୍ୟତ୍ର ବସିବାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି।
Powered by Froala Editor
