ମୋବାଇଲ ଦେଖିବାକୁ ଆକଟ କଲେ ପରିବାର ଲୋକ, ରଶିଦେଇ ଝୁଲି ପଡିଲେ ଛାତ୍ର
ଅଧିକସମୟ କାହିଁକି ମୋବାଇଲ ଦେଖୁଛୁ ବୋଲି ଘରେ ଆକଟ କରିବାରୁ ଅପମାନିତ ମନେକରି ଘର ଭିତରରେ ରଶି ଲଗାଇ ଆତ୍ମହତ୍ୟା କରିଛି ଜଣେ ମେଧାବୀ ଛାତ୍ର। ଆନନ୍ଦପୁର ଥାନା ଅକରୁଆ ଗ୍ରାମରେ ଏଭଳି ଘଟଣା ଶୋକାକୁଳ ପରିବେଶ ସୃଷ୍ଟିକରିଛି।
ଗାଁର କାଳିଆ ଜେନାଙ୍କ ପୁଅ ଲିଟେସ୍ ଜେନା ଆନନ୍ଦପୁର ମହାବିଦ୍ୟାଳୟରେ ଯୁକ୍ତ ୩ରେ ବିଜ୍ଞାନ ବିଭାଗରେ ପଢ଼ୁଥିଲେ। ସେ ଜଣେ ମେଧାବୀ ଛାତ୍ର ଥିଲେ। ଚାକିରି କରିବା ପାଇଁ ଲକ୍ଷ୍ୟ ରଖିଥିଲେ। ସେଥିପାଇଁ ସବୁ ବେଳେ ଘରେ ରହି ଅନ୍ଲାଇନରେ ପାଠ ପଢ଼ୁଥିଲେ। ମୋବାଇଲରେ ପାଠ ନପଢି ବାହାରେ ବୁଲା ବୁଲି କରିବା ପାଇଁ ପରିବାର ଲୋକେ କହୁଥିଲେ। ହେଲେ ଲିଟେସ୍ ଏଥିରେ ରାଜି ନଥିଲେ। ଯେଉଁଥିପାଇଁ ସେ ମାନସିକ ଭାରସାମ୍ୟ ହରାଇ ରଶି ଲଗାଇ ଦେଇଥିଲେ। ପରିବାର ଲୋକେ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଆନନ୍ଦପୁର ଡାକ୍ତରଖାନାରେ ଭର୍ତ୍ତି କରିଥିଲେ। ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ।
Powered by Froala Editor
