ସସ୍ପେନ୍ସ ଦୂର ହେଲା, ମୁଶାରଫ ଜୀବିତ
ପାକିସ୍ତାନର ପୂର୍ବତନ ରାଷ୍ଟ୍ରପତି ଜେନେରାଲ ପରଭେଜ ମୁଶରଫ ଡାକ୍ତରଖାନାରେ ଜୀବନ-ମୃତ୍ୟୁ ସହ ସଂଗ୍ରାମ କରୁଛନ୍ତି। ତେବେ ସେ ଜୀବିତ ନା ମୃତ ବୋଲି ଚର୍ଚ୍ଚା ହେଉଥିବାବେଳେ ତାଙ୍କ ପରିବାର ଏ କଥାକୁ ସ୍ପଷ୍ଟ କରିଛନ୍ତି ।
ପରିବାର ପକ୍ଷରୁ କୁହାଯାଇଛି ଯେ, ‘ସେ ଭେଣ୍ଟିଲେଟରରେ ନାହାଁନ୍ତି । ଦୁବାଇର ଆମେରିକୀୟ ହସପିଟାଲରେ ତାଙ୍କର ଚିକିତ୍ସା ଚାଲିଛି଼ । ପରିବାର ଲୋକ ମୁଶରଫଙ୍କ ପାଇଁ ପ୍ରାର୍ଥନା କରିବାକୁ ଅନୁରୋଧ କରିଛନ୍ତି। ତାଙ୍କ ରିକଭରୀ ଆଉ ସମ୍ଭବ ନୁହେଁ ବୋଲି ପରିବାର ଲୋକେ ମଧ୍ୟ କହିଛନ୍ତି।
ପାକିସ୍ତାନ ଜିଓ ଟିଭି ଅନୁସାରେ ମୁଶାରଫଙ୍କର ଅବସ୍ଥା ସଙ୍କଟାପନ୍ନ ହେବା ପରେ ତାଙ୍କୁ ଭେଣ୍ଟିଲେଟରକୁ ସ୍ଥାନ୍ତାନ୍ତର କରଯାଇଥିଲା। ବୟସାଧିକ ହେତୁ ସେ ଶାରିରୀକ ଭାବେ ଅସୁସ୍ଥ ହେବା ସହ ବିଭିନ୍ନ ରୋଗରେରେ ମଧ୍ୟ ପୀଡ଼ିତ ଥିଲେ। ପରେ ମେଡିକାଲରେ ଭର୍ତ୍ତି ହୋଇଥିଲେ। ତାଙ୍କୁ ଆମେରିକୀୟ ହସପିଟାଲରେ ଲାଇଫ ସପୋର୍ଟ ସିଷ୍ଟମରେ ରଖାଯାଇଥିଲା। ମୁଶାରଫଙ୍କ ମୃତ୍ୟୁ ଘଟିଥିବା ପାକିସ୍ତାନ ଗଣମାଧ୍ୟମ ‘ୱକ୍ତ’ ନ୍ୟୁଜ୍ ପକ୍ଷରୁ ଟ୍ୱିଟ୍ କରାଯାଇଥିଲା। ପରେ ଏହି ଟ୍ୱିଟ୍କୁ ଡିଲିଟ୍ କରିଦିଆଯାଇଛି।
ମୁଶରଫଙ୍କ ଦେହାନ୍ତ ହୋଇଯାଇଥିବା ବୋଲି କହି ଅନେକ ଲୋକ ସୋସିଆଲ ମିଡିଆରେ ତାଙ୍କୁ ଶ୍ରଦ୍ଧାଞ୍ଜଳି ଦେବା ଆରମ୍ଭ କରିଥିଲେ। ଏହା ପାକିସ୍ତାନୀ ଗଣମାଧ୍ୟମର କିଛି ଟ୍ୱିଟର ହ୍ୟାଣ୍ଡେଲରୁ ଆରମ୍ଭ ହୋଇଥିଲା ।ଏହା ପରେ ଜେନେରାଲ ପରଭେଜ ମୁଶରଫଙ୍କ ଟ୍ୱିଟର ହ୍ୟାଣ୍ଡେଲରୁ ପରିବାର ପକ୍ଷରୁ ଏହି ବିବୃତ୍ତି ଜାରି କରାଯାଇଛି।
Powered by Froala Editor
