ଭୁବନେଶ୍ୱର : ଦେଶରେ ମହିଳାମାନଙ୍କୁ ସଶକ୍ତ କରିବା ଏବଂ ଏକ ମଜଭୁତ ସ୍ୱାବଲମ୍ବୀ ଅର୍ଥନୈତିକ ପରିବ୍ୟବସ୍ଥା ନିର୍ମାଣ କରିବାକୁ ପ୍ରୟାସୀ ଦେଶର ଅଗ୍ରଣୀ ଏଫଏମସିଜି ପ୍ରତ୍ୟକ୍ଷ ବିକ୍ରୟକାରୀ କମ୍ପାନୀ ଆମୱେ ଇଣ୍ଡିଆ ତାହାର ପ୍ରୋଜେକ୍ଟ ନାରୀ ଶକ୍ତିର ପ୍ରଥମ ପର୍ଯ୍ୟାୟ ସଫଳତାର ସହିତ ସଂପୂର୍ଣ୍ଣ କରିଥିବା ଘୋଷଣା କରିଛି । ଗତବର୍ଷ ପ୍ରଚଳନ କରାଯାଇଥିବା ପ୍ରୋଜେକ୍ଟ ନାରୀ ଶକ୍ତି ଆମୱେର ୧୦ ବର୍ଷିଆ ଅଭିବୃଦ୍ଧି ଲକ୍ଷ୍ୟର ଏକ ଅଂଶବିଶେଷ, ଯେଉଁଥିରେ ମହିଳାଙ୍କ ମଧ୍ୟରେ ଥିବା ଔଦ୍ୟୋଗିକ ମନୋଭାବ ପରିପ୍ରକାଶ କରିବା ଦିଗରେ ସେମାନଙ୍କୁ ସମର୍ଥନ କରିବା ଉପରେ ସ୍ପଷ୍ଟ ଭାବରେ ଦୃଷ୍ଟିନିବଦ୍ଧ କରୁଛି । ପୂର୍ବାଞ୍ଚଳରେ ଆରମ୍ଭ କରାଯାଇଥିôବା ପ୍ରୋଜେକ୍ଟ ନାରୀ ଶକ୍ତି ଆମୱେର ପ୍ରତ୍ୟକ୍ଷ ମହିଳା ବିକ୍ରେତାଙ୍କ ବର୍ତ୍ତମାନ ରହିଥିବା କୁଶଳତାରେ ବୃଦ୍ଧିଘଟାଇ ସେମାନଙ୍କର ଆମୱେ ବ୍ୟବସାୟ ସ୍ୱାଧୀନ ଭାବରେ ଚଳାଇବା ସକାଶେ ସେମାନଙ୍କୁ ସମ୍ମୁଖ ଭାଗକୁ ଆଣିବା ଲକ୍ଷ୍ୟ ରଖିଛି । ଏହି ପ୍ରକଳ୍ପ ମହିଳାମାନଙ୍କୁ ସେମାନଙ୍କ ବ୍ୟବସାୟର ମାଲିକା ହେବା ଏବଂ ତାହା ପରିଚାଳନା କରିବା ସୁଯୋଗ ପ୍ରଦାନ କରିବା ସହିତ ଫିଟ୍‍ନେସ, ସୁସ୍ଥ ଜୀବନ ନିର୍ବାହ, ରୋଷେଇବାସ ଅଥବା ସେମାନଙ୍କ ମଧ୍ୟରେ ସୌନ୍ଦର୍ଯ୍ୟବୋଧକୁ ନେଇ ରହିଥିବା ଆଗ୍ରହ ଅନ୍ୱେଷଣ କରିବା ପ୍ରୟାସ କରିଥିଲା । 

ଏହି ପ୍ରୟାସ ସମ୍ପର୍କରେ ପ୍ରକାଶକରି ଆମୱେ ଇଣ୍ଡିଆର ପୂର୍ବ ଓ ପଶ୍ଚିମାଞ୍ଚଳ ପାଇଁ ଥିବା ବରିଷ୍ଠ ଭାଇସ ପ୍ରେସିଡେଣ୍ଟ ଶ୍ରୀ ଚନ୍ଦ୍ରଭୂଷଣ ଚକ୍ରବର୍ତ୍ତୀ କହିଛନ୍ତି, “ଭାରତରେ ମହିଳାମାନେ ଆମ ଭବିଷ୍ୟତ ନିର୍ମାଣ ଦିଗରେ ମୁଖ୍ୟ ଭୂମିକା ନିର୍ବାହ କରୁଥିବା ଆମର ବିଶ୍ୱାସ ଏବଂ ମହିଳାମାନଙ୍କୁ ସେମାନଙ୍କର ପୂର୍ଣ୍ଣ ସାମର୍ଥ୍ୟ ହୃଦବୋଧ କରିବାକୁ ସୁଯୋଗ ଯୋଗାଇଦେଇ ସେମାନଙ୍କ ପାଇଁ ଅଭିବୃଦ୍ଧିର ଏକ ପରିବେଶ ସୃଷ୍ଟି କରିବାକୁ ଆମେ ପ୍ରତିବଦ୍ଧ । ମହିଳାମାନଙ୍କୁ ସେମାନଙ୍କର ପୂର୍ଣ୍ଣ ସାମର୍ଥ୍ୟ ଅନ୍ୱେଷଣ କରିବା ଏବଂ ସେମାନଙ୍କ ପ୍ରତିଭାର ବିକାଶ ଘଟାଇବା ଦିଗରେ ଏକ ମଞ୍ଚ ଯୋଗାଇଦେବା ଲକ୍ଷ୍ୟରେ ଆମେ ପ୍ରୋଜେକ୍ଟ ନାରୀ ଶକ୍ତି ଆରମ୍ଭ କରିଥିଲୁ । ପ୍ରକଳ୍ପର ପ୍ରଥମ ପର୍ଯ୍ୟାୟ ସଫଳତାର ସହିତ ଶେଷ ହୋଇଥିବାବେଳେ ଏଥିରେ ମହିଳାମାନଙ୍କୁ ବ୍ୟବସାୟର ସ୍ୱାଧୀନ ମାଲିକ ହେବା ଦିଗରେ ସେମାନଙ୍କ ମଧ୍ୟରେ ଆତ୍ମବିଶ୍ୱାସ ସୃଷ୍ଟିରେ ସହାୟକ ହୋଇଥିବା ଦେଖି ଆମେ ଅତ୍ୟନ୍ତ ଉଲ୍ଲସିତ । ଏକାଧିକ ପର୍ଯ୍ୟାୟ ବିଶିଷ୍ଟ ତାଲିମ ଭିତ୍ତିକ କର୍ମଶାଳା ଜରିଆରେ ପ୍ରକଳ୍ପର ଅଂଶଗ୍ରହଣକାରୀମାନେ ଅନ୍‍ଲାଇନ ଗୋଷ୍ଠୀ ସୃଷ୍ଟି ଦ୍ୱାରା ଡିଜିଟାଲ ଓ ସାମାଜିକ ଗଣମାଧ୍ୟମ ଜରିଆରେ ବିକ୍ରି ଓ ଅନ୍ୟମାନଙ୍କୁ ନିୟୋଜିତ ରଖିବାରେ ବୃଦ୍ଧି ଘଟାଇବାକୁ ସମର୍ଥ ହୋଇପାରିଛନ୍ତି ଏବଂ ତଦ୍ଦ୍ୱାରା ସାମାଜିକ ବାଣିଜ୍ୟ ତ୍ୱରାନ୍ୱିତ ହୋଇଛି । ଆରମ୍ଭ ଦିନଠାରୁ ଆମୱେ ଇଣ୍ଡିଆ ଲକ୍ଷ୍ୟ କରିଛି ଯେ ଉଲ୍ଲେଖନୀୟ ସଂଖ୍ୟାରେ ମହିଳାମାନେ କେବଳ ଡିଜିଟାଲ ପଦ୍ଧତିରେ ସେମାନଙ୍କର ବ୍ୟବସାୟିକ ଅଭିବୃଦ୍ଧି ଘଟାଇ ନାହାନ୍ତି, ତାହାସହିତ ସଂଖ୍ୟାଧିକ ମହିଳାଙ୍କର ଆୟ ମଧ୍ୟ ବୃଦ୍ଧିପାଇଛି । ଏଥିସହିତ ପ୍ରାୟ ସମସ୍ତ ଅଂଶଗ୍ରହଣକାରୀ ସେମାନଙ୍କ ଗୋଷ୍ଠୀରେ ମହିଳାମାନଙ୍କୁ ସଶକ୍ତ କରିବାକୁ ତାଲିମ ଅଧିବେଶନ ଆୟୋଜନ କରିଛନ୍ତି ।”

“ପ୍ରଥମ ପର୍ଯ୍ୟାୟରେ ପ୍ରକଳ୍ପର ଅଗ୍ରଗତି ଓ ପ୍ରଭାବ ସମ୍ପର୍କରେ ଜାଣିବାକୁ ଏକ ପରସ୍ପର ଆଲୋଚନା ଭିତ୍ତିକ ତଥ୍ୟ ସଂଗ୍ରହ ଅଧିବେଶନ ମଧ୍ୟ ଆୟୋଜନ କରିଥିଲୁ । ଏହା ଦେଖି ଆମକୁ ଅତ୍ୟନ୍ତ ଖୁସିଲାଗିଲା ଯେ ସମସ୍ତ ଅଂଶଗ୍ରହଣକାରୀ ସେମାନଙ୍କୁ ସମର୍ଥନ ଯୋଗାଇବା ନେଇ ଆମୱେ ଇଣ୍ଡିଆର ପ୍ରୟାସକୁ ପ୍ରଶଂସା କରିବା ସହିତ ସେମାନେ କଣ ଶିଖିବାକୁ ଚାହୁଁଛନ୍ତି, ବିଶେଷକରି ସାମାଜିକ ସ୍ତରରେ ବିକ୍ରି କ୍ଷେତ୍ରରେ ସେମାନେ ଆଉ କଣ ଜାଣିବାକୁ ଚାହୁଁଛନ୍ତି, ସେ ସମ୍ପର୍କରେ ସେମାନଙ୍କର ଥିବା କୁଶଳତା ଓ ଆଗ୍ରହ ସମ୍ପର୍କରେ ପ୍ରକାଶ କରିଥିଲେ” ବୋଲି ସେ କହିଥିଲେ । 

ଗତ କିଛିମାସ ମଧ୍ୟରେ ଆମୱେ ଇଣ୍ଡିଆ ଏହି ପ୍ରକଳ୍ପ ଅଧୀନରେ ଅନେକ ତାଲିମ ଅଧିବେଶନ ଏବଂ କର୍ମଶାଳା ଆୟୋଜନ କରିସାରିଛି, ସେଥିମଧ୍ୟରେ ଶ୍ରେଷ୍ଠ ବ୍ୟବସାୟିକ କାର୍ଯ୍ୟାଭ୍ୟାସଠାରୁ ଆରମ୍ଭ କରି ଉତ୍ପାଦ ସମ୍ପର୍କିତ ତାଲିମ ଏବଂ ବିଭିନ୍ନ ବ୍ୟବସାୟିକ ସାଧନ ଓ ସାମାଜିକ ବାଣିଜ୍ୟ ମାଧ୍ୟମଗୁଡିକର ବ୍ୟବହାର ପର୍ଯ୍ୟନ୍ତ ବିଷୟ ଅନ୍ତର୍ଭୁକ୍ତ । ପ୍ରକଳ୍ପ ଅଂଶଗ୍ରହଣକାରୀଙ୍କୁ ପୂର୍ବାଞ୍ଚଳରୁ ଆମୱେର ବରିଷ୍ଠ ମହିଳା ପ୍ରତ୍ୟକ୍ଷ ବିକ୍ରେତା ଶ୍ରୀମତୀ ସୁନୀତା କୁମାରୀ, ଶାଶ୍ୱତୀ ଦାସଗୁପ୍ତା, ଶ୍ରୀମତୀ ପ୍ରତିମା ପାୟଲ ସିଂହ, ଶ୍ରୀମତୀ ମହୁଆ ଘୋଷ, ଡ. ଜୟଶ୍ରୀ ରଥ ଏବଂ ଶ୍ରୀମତୀ ସାଗରିକା ଚକ୍ରବର୍ତ୍ତୀ ପ୍ରମୁଖ ମାର୍ଗଦର୍ଶନ କରିଥିଲେ । 

ଆମୱେ ପୂର୍ବ ଭାରତରୁ କେତେକ ବଛାବଛା ମହିଳା ପ୍ରତ୍ୟକ୍ଷ ବିକ୍ରେତାଙ୍କୁ ସଶକ୍ତ କରିବା ଏବଂ ତାଲିମ ପ୍ରଦାନ କରିବା ଲକ୍ଷ୍ୟରେ ନାରୀଶକ୍ତି ପ୍ରକଳ୍ପ ଆରମ୍ଭ କରିଥିଲା ଏବଂ ଆଗାମୀ ମାସଗୁଡିକରେ ଦେଶର ସମସ୍ତ ଅଞ୍ଚଳରେ ଅନ୍ୟ ମହିଳା ପ୍ରତ୍ୟକ୍ଷ ବିକ୍ରେତାଙ୍କ ପାଇଁ ଏହାକୁ ପରିବ୍ୟାପ୍ତ କରିବାକୁ ଚାହୁଁଛି । ବିଗତ ବର୍ଷଗୁଡିକରେ ମହିଳାମାନଙ୍କୁ ସଠିକ ମଞ୍ଚ ଯୋଗାଇଦେଇ ସେମାନଙ୍କୁ ସଶକ୍ତ କରିବାର ମୂଳ ନୀତି ଆଧାରରେ ଆମୱେ ଇଣ୍ଡିଆ ବହୁଧା ଅନ୍‍ଲାଇନ ଓ ଅଫ୍‍ଲାଇନ ତାଲିମ ଓ କର୍ମଶାଳା ଜରିଆରେ ମହିଳାମାନଙ୍କର କୁଶଳତାରେ ଉନ୍ନତି ସାଧନ ନିମନ୍ତେ ନିରବଚ୍ଛିନ୍ନ ଭାବରେ ନିବେଶ କରିଚାଲିଛି ।

Powered by Froala Editor