ମହିଳାଙ୍କୁ ରାସ୍ତାରେ ଗୋଇଠା ଚାପୁଡା ମାରିଲେ ଏହି ବ୍ୟକ୍ତି
ଜଣେ ମହିଳା ଓକିଲଙ୍କୁ ଜଣେ ବ୍ୟକ୍ତି ଗୋଇଠା ଚାପୁଡା ମାରୁଥିବା ଭିଡିଓ ଏବେ ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି। ପୁଲିସ ଅଭିଯୁକ୍ତ ବ୍ୟକ୍ତିଙ୍କୁ ଗିରଫ କରିଛି। ଅଭିଯୁକ୍ତ ଜଣକ ହେଉଛନ୍ତି ମହିଳାଙ୍କ ପଡ଼ୋଶୀ ମହାନ୍ତେଶ। ଏହି ସମ୍ବେଦନଶୀଳ ଘଟଣା ବେଙ୍ଗାଲୋରୁର ବିନାୟକ ନଗରରରୁ ଆସିଛି।
ଭାଇରାଲ ହେଉଥିବା ଭିଡିଓରେ ବ୍ୟକ୍ତି ଜଣକ ମହିଳାଙ୍କୁ ଗୋଇଠା ମାରୁଛନ୍ତି। ମହିଳା ନିଜକୁ ରକ୍ଷା କରିବା ପାଇଁ ପ୍ଲାଷ୍ଟିକ ଚେୟର ଉଠାଇ ପ୍ରତିରୋଧ କରୁଥିବା ବେଳେ ବ୍ୟକ୍ତିଜଣକ ଆହୁରି ପିଟିଥିଲେ। ଏହି ଦୃଶ୍ୟକୁ ସେଠାରେ ଥିବା ଲୋକେ ଭିଡିଓ ସୁଟ୍ କରିଥିଲେ। ବ୍ୟକ୍ତିଗତ ଶତ୍ରୁତାକୁ ଉଭୟଙ୍କ ମଧ୍ୟରେ କଳହ ଉପୁଜି ଥିଲା। ଦୁହିଙ୍କ ମଧ୍ୟରେ ଝଗଡ଼ା ଉଗ୍ର ରୂପ ଧାରଣ କରିବା ପରେ ବ୍ୟକ୍ତି ଜଣକ ସମ୍ପୃକ୍ତ ମହିଳାଙ୍କୁ ମାଡ଼ ମାରିଥିବା ପୁଲିସ କହିଛି। ତେବେ ସର୍ବସାଧାରଣରେ ଜଣେ ମହିଳାଙ୍କ ପ୍ରତି ଏମିତି ବ୍ୟବହାରକୁ ସୋଶାଲ ମିଡିଆରେ ତୀବ୍ର ନିନ୍ଦା କରାଯାଇଛି। ଏପରିକି ଘଟଣା ସର୍ବସମ୍ମଖରେ ଘଟୁଥିଲେ ମଧ୍ୟ କେହି ମହିଳାଙ୍କୁ ବଞ୍ଚାଇବାକୁ ଆସି ନଥିଲେ।
Powered by Froala Editor
