ଜ୍ଞାନବାପି ମସଜିଦ୍ରେ ଭିଡିଓଗ୍ରାଫି ସର୍ଭେ, କୂଅରେ ଶିବଲିଙ୍ଗ ଠାବ
ଅଦାଲତଙ୍କ ଆଦେଶକ୍ରମେ ଚାଲିଥିବା ଜ୍ଞାନବାପି ମସ୍ଜିଦ୍ର ସର୍ବେକ୍ଷଣ ତୃତୀୟ ଦିବସରେ ଶେଷ ହୋଇଛି । ଗତକାଲି ସୁଦ୍ଧା ପ୍ରାୟ ୬୫ ପ୍ରତିଶତ ସର୍ଭେ କାର୍ଯ୍ୟ ସରିଛି। ଆବେଦନକାରୀ ଓକିଲ ବିଷ୍ଣୁ ଜୈନଙ୍କ କହିବା ଅନୁଯାୟୀ, ସେଠାରେ ଥିବା ଏକ କୂଅରେ ଶିବଲିଙ୍ଗ ଠାବ ହୋଇଛି। ଏଥିପାଇଁ ଜ୍ଞାନବାପି ମସଜିଦ୍ କମ୍ପ୍ଲେକ୍ସର ୪ ନମ୍ବର ତାଲା ଖୋଲା ଯିବ। ପୂର୍ବରୁ ଶନିବାର ୩ଟି ରୁମ ଖୋଲାଯାଇଛି।
ବାରାଣସୀସ୍ଥିତ କାଶୀ ବିଶ୍ୱନାଥ ମନ୍ଦିରକୁ ଲାଗି ଥିବା ଜ୍ଞାନବାପି ମସ୍ଜିଦ୍ ସମ୍ପ୍ରତି ଆଇନଗତ ଯୁଦ୍ଧର ସମ୍ମୁଖୀନ ହୋଇଛି। ଜ୍ଞାନବାପି ମସ୍ଜିଦ୍ର ଢାଞ୍ଚା ବିଷୟରେ ତଦନ୍ତ କରିବା ଲାଗି ବାରାଣସୀର ଏକ ଅଦାଲତ ‘ଭାରତୀୟ ପ୍ରତ୍ନତାତ୍ତ୍ୱିକ ସର୍ବେକ୍ଷଣ’କୁ ନିର୍ଦେଶ ଦେଇଛନ୍ତି।
ଅନ୍ୟପଟେ କୋର୍ଟଙ୍କ ନିର୍ଦ୍ଦେଶ ଅନୁଯାୟୀ ଘଟଣାସ୍ଥଳରେ ବ୍ୟାପକ ସୁରକ୍ଷା ବଳ ନିୟୋଜିତ କରାଯାଇଛି। କଡ଼ା ସୁରକ୍ଷା ମଧ୍ୟରେ କୋର୍ଟ ଦ୍ୱାରା ଗଠିତ କମିଶନ ଜ୍ଞାନବାପି ମସଜିଦ୍ ସ୍ଥଳରେ ପହଞ୍ଚି ସର୍ଭେ କରିବେ ।
Powered by Froala Editor
