ନିଶାମୁକ୍ତି କେନ୍ଦ୍ର ମାଲିକଙ୍କ ଅମାନବୀୟ କାଣ୍ଡ: ଜିଆଇ ପାଇପ୍ରେ ବାନ୍ଧି ଅନ୍ତେବାସୀଙ୍କୁ ନିସ୍ତୁକ ମାଡ଼, ଜଣେ ମୃତ
ଜଗତସିଂହପୁର ଥାନା ଅଁଳା ପଞ୍ଚାୟତ ଚାନ୍ଦଗାଁ ମଜୁରାଉ ଗାଁରେ ଅଭାବନୀୟ ଘଟଣା ଘଟିଛି । ଚେଷ୍ଟା ନିଶା ମୁକ୍ତି କେନ୍ଦ୍ରର ମାଲିକଙ୍କ ମାଡ଼ରେ ଜଣେ ଅନ୍ତେବାସୀଙ୍କ ମୃତ୍ୟୁ ଘଟିଥିବାବେଳେ ୪ ଜଣ ଗୁରୁତର ହୋଇଛନ୍ତି । ମୃତକ ହେଲେ ଜଗତସିଂହପୁର ଚାଟରା ଗାଁର ଏସ୍. କେ. ଜବାର । ୪ ଜଣ ଗୁରୁତରଙ୍କୁ ଜଗତସିଂହପୁର ପୋଲିସ ଉଦ୍ଧାର କରି ଚିକିତ୍ସା ନିମନ୍ତେ ମେଡିକାଲରେ ଭର୍ତ୍ତି କରିଛି ।
କେନ୍ଦ୍ରର ମାଲିକ ବଗଲପୁର ଅଞ୍ଚଳର ରାଜା ଓରଫ ରାଜେଶ ମହାନ୍ତି ଓ ତାଙ୍କ ସହଯୋଗୀ ବାଲିକୁଦା ଅଞ୍ଚଳର ଚିକୁ ଓରଫ ରୁଦ୍ରପ୍ରସାଦ ରାଉତ ନିଶା ମୁକ୍ତି କେନ୍ଦ୍ରରେ ରହିଥିବା ୨୨ ଜଣ ଅନ୍ତେବାସୀଙ୍କୁ ବାନ୍ଧି ଏକ ଜିଆଇ ପାଇପରେ ନିସ୍ତୁକ ମାଡ଼ ମାରିଥିବା ଅଭିଯୋଗ ହୋଇଛି । ନିଶା ମୁକ୍ତି କେନ୍ଦ୍ରରେ ଘଟିଥିବା ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ପ୍ରବଳ ଉତ୍ତେଜନା ପ୍ରକାଶ ପାଇଛି । ତେବେ ଘଟଣା ପରେ ନିଶା ମୁକ୍ତି କେନ୍ଦ୍ରର ମାଲିକ ଓ ତାଙ୍କ ସହଯୋଗୀ ଫେରାର ହୋଇଯାଇଛନ୍ତି ।
ସେପଟେ ଶବକୁ ଅଟୋରେ ନିଆଯାଉଥିବାବେଳେ ରାସ୍ତା ଅବରୋଧ କରିବା ସହ ପୋଡ଼ାଜଳା କରିଛନ୍ତି ଉତ୍ତ୍ୟକ୍ତ ଲୋକ । ଲୋକେ ନ୍ୟାୟ ପାଇଁ ଦାବି କରିଥିବାବେଳେ ଉତ୍ତେଜନା ଲାଗିରହିଛି ।
Powered by Froala Editor
